കൊട്ടാരക്കര: മേലില സെന്റ് ജോർജ്ജ് ഓർത്തഡോക്സ് ചർച്ച് വിശുദ്ധ ഗീവർഗീസ് സഹദായുടെ ഓർമ്മപ്പെരുന്നാളും കൺവെൻഷനും ആരംഭിച്ചു. 9ന് വിശുദ്ധ കുർബാനയോടെ സമാപിക്കും. സുൽത്താൻ ബത്തേരി ഭദ്രാസനാധിപൻ ഡോ.ഗീവർഗീസ് മാർ ബർണബാസ് തിരുമേനിയുടെ മുഖ്യ കാമ്മികത്വത്തിലാണ് വിശുദ്ധ കുർബാന നടക്കുന്നത്. ഇന്ന് രാവിലെ 10.30ന് പെരുന്നാൾ കൊടിയേറ്റ്, ഉച്ചയ്ക്ക് 2.30ന് ക്വിസ് മത്സരം, രാത്രി 7.15ന് വചന ശുശ്രൂഷ. എല്ലാ ദിവസവും സന്ധ്യാ നമസ്കാരം, ഗാന ശുശ്രൂഷ, വചന പ്രഘോഷണം എന്നിവ നടക്കും. 8ന് വൈകിട്ട് 6.30ന് പെരുന്നാൾ റാസ, ഫാ.ജേക്കബ് ജോയി നേതൃത്വം നൽകും. 9ന് രാവിലെ 7ന് പ്രഭാത നമസ്കാരം, 8ന് വിശുദ്ധ മൂന്നിൻമേൽ കുർബാന.