കൊല്ലം: ജില്ലയിൽ ഹയർ സെക്കൻഡറി വിജയശതമാനം മുൻ വർഷങ്ങളെക്കാൾ കുത്തനെ ഇടിഞ്ഞെങ്കിലും എല്ലാ വിഷയങ്ങൾക്കും എ പ്ലസ് നേടിയവരുടെ എണ്ണം ഉയർന്നു. 78.10 ശതമാനമാണ് വിജയം. 3353 വിദ്യാർത്ഥികൾക്ക് എല്ലാ വിഷയങ്ങൾക്കും എ പ്ലസ് ലഭിച്ചു.
ജില്ലയിൽ 134 സ്കൂളുകളിലായി 26,791 വിദ്യാർത്ഥികളാണ് ആകെ രജിസ്റ്റർ ചെയ്തത്. ഇതിൽ പരീക്ഷ എഴുതിയ 26,573 വിദ്യാർത്ഥികളിൽ 20,754 പേർ ഉപരിപഠനത്തിന് അർഹത നേടി.
വർഷം- വിജയശതമാനം- ഫുൾ എ പ്ലസ്
2024- 78.10 %, 3353
2023- 83.91 %, 2957
2022 - 85.68 %, 2259
2021 - 88.83 %, 3786
2020 - 85.90 %, 1717
2019 - 85.20 %, 1476
2018 - 83.92 %, 1381
ഓപ്പൺ സ്കൂളിൽ 47% വിജയം
ജില്ലയിലെ ഓപ്പൺ സ്കൂൾ പ്ലസ് ടു വിഭാഗത്തിലും വിജയശതമാനം ഇടിഞ്ഞു. കഴിഞ്ഞ വർഷം 53.60 ആയിരുന്നു വിജയശതമാനം. 47 ശതമാനമാണ് ഇത്തവണത്തെ വിജയം. ആകെ 929 വിദ്യാർത്ഥികളാണ് രജിസ്റ്റർ ചെയ്തത്. പരീക്ഷ എഴുതിയ 902 പേരിൽ 427 പേരാണ് ഉപരിപഠനത്തിന് അർഹത നേടിയത്. പത്ത് വിദ്യാർത്ഥികൾക്ക് എല്ലാ വിഷയങ്ങൾക്കും എ പ്ലസ് ലഭിച്ചു.
വർഷം - വിജയശതമാനം - ഫുൾ എ പ്ലസ് (ഓപ്പൺ സ്കൂൾ)
2024- 47%, 10
2023- 53.60 %, 8
2022- 49.38 %, 7
2021- 58.52 %, 8
വി.എച്ച്.എസ്.ഇയിൽ 74.96 %
ജില്ലയിലെ വി.എച്ച്.എസ്.ഇ വിജയശതമാനവും ഇടിഞ്ഞു. 82.54 ശതമാനം പേർ കഴിഞ്ഞ തവണ ഉപരിപഠനത്തിന് അർഹത നേടിയിരുന്നു. ഇക്കുറി 74.96 ശതമാനം മാത്രമാണ് യോഗ്യത നേടിയത്. പരീക്ഷ എഴുതിയ 3870 വിദ്യാർത്ഥികളിൽ 2,901 പേർ വിജയിച്ചു.
വർഷം- വിജയശതമാനം (വി.എസ്.എസ്.ഇ)
2024- 74.96 %
2023- 82.54 %
2022- 87.77 %
2021- 86.6 %