ശാസ്താംകോട്ട: കേരളാ മോട്ടോർ ഡ്രൈവിംഗ് സ്കൂൾ ഇൻസ്ട്രക്റ്റേഴ്സ് ആൻഡ് വർക്കേഴ്സ് അസോസിയേഷന്റെ നേതൃത്വത്തിൽ സംസ്ഥാന വ്യാപകമായി കഴിഞ്ഞ പതിനാല് ദിവസമായി നടന്നുവരുന്ന സമരം വിജയിച്ചതിൽ ആഹ്ളാദം പ്രകടിപ്പിച്ച് ചക്കുവള്ളിയിൽ പ്രകടനവും യോഗവും സംഘടിപ്പിച്ചു. ചക്കുവള്ളി ടെസ്റ്റ് ഗ്രൗണ്ടിൽ നിന്ന് ആരംഭിച്ച ആഹ്ളാദ പ്രകടനം ടൗൺചുറ്റി ജോയിന്റ് ആർ.ടി ഓഫീസ് പടിക്കൽ സമാപിച്ചു. യോഗത്തിൽ ആർ.വൈ.എഫ് സംസ്ഥാന പ്രസിഡന്റ് ഉല്ലാസ് കോവൂർ, ഐക്യ ട്രേഡ് യൂണിയൻ നിയോജകമണ്ഡലം ചെയർമാൻ തടത്തിൽ സലീം, യു.ഡി.എഫ് നിയോജക മണ്ഡലം കൺവീനർ തോപ്പിൽ ജമാൽ, ബിജു മൈനാഗപ്പള്ളി, നാലുതുണ്ടിൽ റഹീം, ബാബു ഹനീഫ, സരസചന്ദ്രൻപിള്ള, വേങ്ങ ശ്രീകുമാർ, കേരളാ ഷാജി, ആർ.ഷൗക്കത്ത് തുടങ്ങിയവർ സംസാരിച്ചു. പ്രകടനത്തിനും യോഗത്തിനും അസോസിയേഷൻ നേതാക്കളായ വാസുദേവൻ, മുനീർ ശബരി, എസ്.ആർ. ശ്രീകുമാർ, സ്റ്റാർ രഞ്ജിനി, ഷാ സുഖദ, നിയോ ജയകുമാർ, വത്സമ്മ, പ്രീത, മിനി, ബിജു ജോർജ്ജ് തുടങ്ങിയവർ നേതൃത്വം നൽകി.