പുനലൂർ: എസ്.എൻ.ഡി.പി യോഗം പത്തനാപുരം യൂണിയനിലെ 2439-ാം നമ്പർ ചെമ്പനരുവി ശാഖയുടെയും വനിതാ സംഘത്തിന്റെയും വാർഷിക പൊതുയോഗവും ഭരണ സമിതി തിരഞ്ഞെടുപ്പും 26ന് രാവിലെ 10ന് ശാഖ മന്ദരത്തിൽ നടക്കും. യൂണിയൻ സെക്രട്ടറി ബി.ബിജു പൊതുയോഗം ഉദ്ഘാടനം ചെയ്യും. യൂണിയൻ പ്രസിഡന്റ് ആദംകോട് കെ.ഷാജി അദ്ധ്യക്ഷനാകും. യൂണിയൻ വൈസ് പ്രസിഡന്റ് കെ.കെ.ശശീന്ദ്രൻ, യോഗംഡയറക്ടർ എം.എം.രാജേന്ദ്രൻ, യൂണിയൻ കൗൺസിലർ റിജു വി.ആമ്പാടി, വനിതസംഘം യൂണിയൻ സെക്രട്ടറി എസ്.ശശിപ്രഭ, വൈസ് പ്രസിഡന്റ് ദീപ ജയൻ, യൂത്ത്മൂവ്മെന്റ് യൂണിയൻ സെക്രട്ടറി ബിനുസുരേന്ദ്രൻ,ശാഖ പ്രസിഡന്റ് ടി.എൻ.ബാലകൃഷ്ണൻ, സെക്രട്ടറി കെ.സോമരാജൻ, വനിതസംഘം ശാഖ സെക്രട്ടറി കെ.ഉഷാമണി തുടങ്ങിയവർ സംസാരിക്കും.