കൊട്ടാരക്കര: നെടുവത്തൂർ സർവീസ് സഹകരണ ബാങ്കിൽ നിന്ന് കോടികൾ കൊള്ളയടിച്ച ബാങ്ക് സെക്രട്ടറിയെയും കളക്ഷൻ ഏജന്റിനെയും ഭരണ സമിതി അംഗങ്ങളെയും എത്രയും വേഗം അറസ്റ്റു ചെയ്യണമെന്നും സഹകാരികളുടെ നഷ്ടപ്പെട്ട പണം ഉടൻ തിരികെ നൽകണമെന്നും ആവശ്യപ്പെട്ട് യൂത്തു കോൺഗ്രസ് പ്രവർത്തകർ സഹകാരികളുടെ നേതൃത്വത്തിൽ കൊട്ടാരക്കര അസി.സഹകരണ സംഘം രജിസ്ട്രാർ ഓഫീസിന് മുന്നിൽ പിച്ചച്ചട്ടിയുമായി ധർണ നടത്തും. 27ന് രാവിലെ 10ന് നടക്കുന്ന പ്രതിഷേധ ധർണ ഡി.സി.സി ജനറൽ സെക്രട്ടറി പി.ഹരികുമാർ ഉദ്ഘാടനം ചെയ്യും. ബി.രാജേന്ദ്രൻനായർ, ആർ.ശിവകുമാർ, രതീഷ് കിളിത്തട്ടിൽ, , ആർ.രാജശേഖരൻപിള്ള, സുധാകരൻ പള്ളത്ത്, സതീശൻ തേവലപ്പുറം, ശ്രീകുമാർ ശ്രീലങ്ക, വി. ഗോപകുമാർ, സത്യപാലൻ ആനക്കോട്ടൂർ, ആർ.രതീഷ്, സതീഷ് ആനക്കോട്ടൂർ എന്നിവർ നേതൃത്വം നൽകും.