പോരുവഴി: എസ്.എൻ.ഡി.പി യോഗം കുന്നത്തൂർ യൂണിയനിൽ നബാർഡ് ധനസഹായത്തോടെ രൂപീകരിച്ച 50 എസ്.എച്ച്.ജി ഗ്രൂപ്പുകളുടെ ക്രെഡിറ്റ് ലിങ്കേജിനു വേണ്ടിയുള്ള യോഗം നബാർഡ് കൊല്ലം ജില്ലാ ഓഫീസർ രാഖിമോൾ ഉദ്ഘാടനം ചെയ്തു. കുന്നത്തൂർ യൂണിയൻ പ്രസിഡന്റ് ആർ. ശ്രീകുമാർ അദ്ധ്യക്ഷനായി. കേരള ബാങ്ക് കൊല്ലം ജില്ലാ മാനേജർ സുഗന്ധി ബാങ്ക് ലോണുകളെപ്പറ്റിയും ശാസ്താംകോട്ട പഞ്ചായത്ത് വ്യാവസായ ഓഫീസർ നിഥിൻ വിവിധ തരം സംരംഭകങ്ങളെക്കുറിച്ചും സംസാരിച്ചു. യൂണിയൻ സെക്രട്ടറി ഇൻ ചാർജ് റാം മനോജ് സ്വാഗതവും യോഗം ഡയറക്ടർ ബോർഡ് മെമ്പറും എസ്.എച്ച്.ജി കോ ഓർഡിനേറ്ററുമായ വി. ബേബികുമാർ നന്ദിയും പറഞ്ഞു. യൂണിയൻ കൗൺസിലർമാരായ അസ്വ. ഡി. സുധാകരൻ, പ്രേം ഷാജി, നെടിയവിള സജീവൻ, യൂണിയൻ പഞ്ചായത്ത് കമ്മിറ്റി അംഗം ആർ. സുഗതൻ എന്നിവർ സംസാരിച്ചു.