ചാത്തന്നൂർ: ചിറക്കര പഞ്ചായത്ത് അഞ്ചാം വാർഡിൽ തട്ടാരുകോണം ചരുവിള പുത്തൻ വീട്ടിൽ കമലമ്മ അമ്മയുടെ വീട് മഴയി​ൽ ഇടിഞ്ഞുവീണു.​ വീടിന്റെ പകുതി കോൺക്രീറ്റും ബാക്കി ഓടുമാണ്. കോൺക്രീറ്റ് ഭാഗം പൂർണമായും തകർന്നു. ഇന്നലെ രാവിലെ 10ന് ആയി​രുന്നു സംഭവം. 85 വയസുള്ള കമലമ്മ അമ്മ എപ്പോഴും ഇരിക്കാറുള്ള മുറി​യാണ് തകർന്നത്. ഇവർ മകന്റെ വീട്ടിലും മറ്റുള്ളവർ ജോലിക്കും പോയിരുന്നത് കൊണ്ട് വൻ അപകടം ഒഴിവായി. വാർഡ് മെമ്പറുടെ നേതൃത്വതിൽ കമലമ്മ അമ്മയെ മകന്റെ വീട്ടിലേക്കും ഉഷ, മോഹനൻ, മോനിഷ എന്നിവരെ ചിറക്കര പഞ്ചായത്തിലെ പകൽ വീട്ടിലേക്കും മാറ്റി പാർപ്പിച്ചു.