ചവറ: ശക്തമായ കടലാക്രമണവും മഴയും മൂലം പൊന്മന കാട്ടിൽ മേക്കതിൽ ദേവീക്ഷേത്രത്തിന് സമീപമുള്ള കടൽഭിത്തി തകർന്നു. കരുനാഗപ്പള്ളി വെള്ളനാതുരുത്ത് വഴി ദേവീക്ഷേത്രത്തിലേക്ക് എത്തിച്ചേരുന്ന കെ.എം.എം.എല്ലിന്റെ മൈനിംഗ് റോഡും തകർന്നതോടെ വടക്കൻ പ്രദേശങ്ങളി​ലുള്ളവർ വല്ലാത്ത ദുരി​തത്തി​ലായി​.

റോഡിലേക്ക് ഇരച്ചുകയറുന്ന കടൽ വെള്ളം കെട്ടി​ക്കി​ടന്നാണ് റോഡ് തകരുന്നത്. ഭകതരുമായി​ നൂറുകണക്കിന് വാഹനങ്ങൾ ദിനംപ്രതി ക്ഷേത്രത്തിലേക്ക് എത്തിച്ചേരുന്ന റോഡാണി​ത്. ക്ഷേത്ര ഭാരവാഹികൾ പരാതിപ്പെട്ടതിനെ തുടർന്ന് ഡോ. സുജിത്ത് വിജയൻ പിള്ള എം.എൽ.എ സംഭവസ്ഥലം സന്ദർശിച്ച് സ്ഥിതിഗതികൾ വിലയിരുത്തി. കടൽ ഭിത്തി തകർന്ന ഭാഗം കെ.എം.എം.എല്ലിന്റെ കൈവശമുള്ള പാറ ഉപയോഗിച്ച് ഉടൻതന്നെ പുന:സ്ഥാപി​ക്കുമെന്ന് എം.എൽ.എ അറി​യി​ച്ചു. ക്ഷേത്രത്തിന് തെക്കുഭാഗത്തെ മൂന്ന് പുലിമുട്ടുകളുടെ നി​ർമ്മാണത്തി​ന് ടെൻഡർ നടപടി സ്വീകരിക്കുമെന്ന് കെ.എം.എം.എൽ കമ്പനി അറിയിച്ചി​ട്ടുണ്ടെന്ന് എം.എൽ.എ വ്യക്തമാക്കി​. വെള്ളനാതുരുത്ത് വഴി ക്ഷേത്രത്തിലേക്കുള്ള റോഡ് നന്നാക്കാൻ ഐ.ആർ.ഇക്കും കെ.എം.എം.എല്ലിനും എം.എൽ.എ നിർദ്ദേശം നൽകി. എം.എൽ.എയോടൊപ്പം ജലവി​ഭവ വകുപ്പി​ലെയും കെ.എം.എം.എല്ലിലെയും ഉദ്യോഗസ്ഥരും കാട്ടിൽ മേക്കതിൽ ക്ഷേത്രയോഗം പ്രസിഡന്റ് എസ്. സലിംകുമാർ, സെക്രട്ടറി പി.സജി, ട്രഷറർ അനിൽ ജോയ്, വൈസ് പ്രസിഡന്റ് നടരാജൻ ജോത്സ്യൻ, ജോയിന്റ് സെക്രട്ടറി എസ്. ദിനേശ്, മറ്റു ക്ഷേത്ര ഭാരവാഹികൾ എന്നി​വരും ഉണ്ടായിരുന്നു