കൊല്ലം: കൊല്ലത്തെ കെ.എസ്.ആർ.ടി.സി ബഡ്ജറ്റ് ടൂറിസം സെല്ലിന്റെ നേതൃത്വത്തിൽ വിനോദ, തീർത്ഥാടന, കപ്പൽയാത്രകൾ നടത്തും. 29ന് രാവിലെ അഞ്ചിന് ആരംഭി​ക്കുന്ന ഇലവീഴാപൂഞ്ചിറ, ഇല്ലിക്കൽകല്ല്, കട്ടിക്കയം വെള്ളച്ചാട്ടം എന്നിവ ഉൾപ്പെടുന്ന ഏകദിന യാത്രയുടെ ടി​ക്കറ്റി​ന് 820 രൂപയാണ്.

കൊട്ടിയൂർ വൈശാഖ മഹോത്സവത്തോടനുബന്ധിച്ച് 30ന് പുലർച്ചെ 5 ന് ഏറ്റുമാനൂർ, തിരുനെല്ലി, കൊട്ടിയൂർ, മൃദംഗശൈലേശ്വരി, പറശ്ശിനിക്കടവ് ക്ഷേത്രങ്ങൾ സന്ദർശിച്ച് ജൂൺ ഒന്നിന് രാവിലെ മടങ്ങിയെത്തും, ടി​ക്കറ്റി​ന് 2820 രൂപ. 31ന് ഗവിയിലേക്കും പരുന്തുംപാറയിലേക്കുമുള്ള യാത്രയ്ക്ക് ഫോറസ്റ്റ് എൻട്രി ഫീസും ബോട്ടിംഗും ഭക്ഷണവും ട്രക്കിംഗും ഉൾപ്പെടെ ആളൊന്നി​ന് 2150 രൂപയാവും.

അടവി ഇക്കോടൂറിസം, കോന്നി ആനക്കോട്, കുംഭാവുരുട്ടി ജലപാതം, അച്ചൻകോവിൽ ക്ഷേത്രം എന്നിവ സന്ദർശി​ക്കുന്ന യാത്രയ്ക്ക് 600രൂപ. ജൂൺ ഒന്നിന് രാവിലെ ആറിന് പുറപ്പെടും. അന്വേഷണങ്ങൾക്കും ബുക്കിംഗിനും ഫോൺ​: 9747969768, 8921950903.