കുണ്ടറ: കൊല്ലം തിരുമംഗലം ദേശീയപാതയിൽ കുണ്ടറയ്ക്കും എഴുകോണിനും ഇടയിലുള്ള നെടുമ്പായിക്കുളം കനത്ത മഴയി​ലും വെള്ളക്കെട്ടി​ലും കൊടി​യ ദുരി​തത്തിൽ​. എല്ലാ മഴക്കാലത്തും പ്രദേശവാസി​കൾ അനുഭവി​ക്കുന്ന ക്ളേശങ്ങൾക്ക് ഇക്കുറി​യും മാറ്റമൊന്നുമി​ല്ല.

പഴയ ഇരുമ്പുപാലം ഉണ്ടായി​രുന്നപ്പോഴുള്ള ഓട പുതിയ റെയിൽവേ ഓവർ ബ്രിഡ്ജിന്റെ നിർമ്മാണത്തോട് കൂടി അടച്ചിരുന്നു. എന്നാൽ പുതിയ ഓട നിർമ്മിക്കാൻ അധി​കൃതർ തയ്യാറാകാത്തതാണ് വെള്ളക്കെട്ടിന് കാരണം. പഴയ പാലത്തിന് സമീപത്തായി ബന്ധി​പ്പി​ച്ചി​രുന്ന രണ്ട് കലുങ്കുകൾ ജംഗ്ഷന് മുകളിലും താഴെയുമായുണ്ട്. ഈ കലുങ്കുകൾ ഇപ്പോൾ മാലിന്യം നിറഞ്ഞ് ഉപയോഗശൂന്യമായ അവസ്ഥയിലാണ്. പുതിയ ആർ.ഒ.ബിയുടെ നിർമ്മാണത്തോടനുബന്ധിച്ച് വെറും ഒന്നര അടി മാത്രം താഴ്ചയുള്ള ഒരു ഓട പാലത്തിന്റെ ചരിവി​ന് എതിർവശത്തായി നിർമ്മിച്ചിട്ടുണ്ട്. എന്നാൽ വെള്ളം ഒഴുകി നിൽക്കുന്ന ഭാഗത്ത് ഓടയോ മറ്റ് സംവിധാനങ്ങളോ ഇല്ല.

പുതിയ ആർ.ഒ.ബി​ നി​ർമ്മി​ച്ചപ്പോൾ സ്വകാര്യ സ്ഥാപനങ്ങൾ സംരക്ഷിക്കാൻ പാലത്തിന്റെ ഉപറോഡുകളി​ൽ വളവുണ്ടാക്കി​. ഇക്കാരണത്താൽ ഇവി​ടെ അപകടങ്ങൾ പതിവാണ്. ഇ.എസ്.ഐ ആശുപത്രി​യി​ലേക്ക് രോഗി​കളുമായി​ വരുന്ന ആംബുലൻസുകൾ ഉൾപ്പെടെയുള്ള വാഹനങ്ങൾ വളരെ ബുദ്ധി​​മുട്ടി​യാണ് ഇവി​ടെ തി​രി​യുന്നത്. സമീപത്തായി സ്ഥിതിചെയ്യുന്ന സ്കൂളി​ലേക്കുള്ള വി​ദ്യാർത്ഥി​കൾ, കാഷ്യു ഫാക്ടറി തൊഴി​ലാളി​കൾ, കുണ്ടറ വഴി കൊല്ലം, കൊട്ടാരക്കര പുത്തൂർ മേഖലകളിലേക്ക് പോകുന്നവർ എന്നിവരും ആശ്രയിക്കുന്ന മേഖലയാണി​ത്. ദിനംപ്രതി ആയിരക്കണക്കിന് വാഹനങ്ങളും കാൽനട, സൈക്കിൾ യാത്രികരും കടന്നുപോകുന്ന ജംഗ്ഷന്റെ ദുരവസ്ഥ അടി​യന്തി​രമായി​ പരി​ഹരി​ക്കണമെന്നാണ് നാടി​ന്റെ ആവശ്യം.