തൃശൂർ: ഹയർ സെക്കൻഡറി പരീക്ഷയിൽ ജില്ലയിൽ 82.40 ശതമാനം വിജയം. ഉപരിപഠനത്തിന് 27,078 വിദ്യാർത്ഥികൾ യോഗ്യത നേടി. 3907 പേർക്ക് മുഴുവൻ വിഷയങ്ങൾക്കും എ പ്ലസ് ലഭിച്ചു. ടെക്‌നിക്കൽ ഹയർ സെക്കൻഡറി വിഭാഗത്തിൽ ജില്ലയിൽ 67 ശതമാനമാണ് വിജയം. പരീക്ഷ എഴുതിയ 31 വിദ്യാർത്ഥികളിൽ 21 പേർ ഉപരിപഠനത്തിന് യോഗ്യത നേടി. ഓപ്പൺ സ്‌കൂൾ വിഭാഗത്തിൽ 39 ശതമാനം പേർ വിജയിച്ചു. പരീക്ഷ എഴുതിയ 1,811 വിദ്യാർത്ഥികളിൽ 718 പേർ ഉപരിപഠനത്തിന് യോഗ്യത നേടി. 29 പേർക്ക് മുഴുവൻ വിഷയങ്ങളിൽ എ പ്ലസ് ലഭിച്ചു.

വി.എച്ച്.എസ്.സി: 77.59 ശതമാനം വിജയം

വൊക്കേഷണൽ ഹയർ സെക്കൻഡറി സ്‌കൂൾ വിഭാഗത്തിൽ ജില്ലയ്ക്ക് 77.59 ശതമാനം വിജയം. പരീക്ഷയെഴുതിയ 2,405 വിദ്യാർത്ഥികളിൽ 1866 പേർ ഉന്നതവിദ്യാഭ്യാസത്തിന് യോഗ്യരായി. കലാമണ്ഡലം ആർട്ട് ഹയർ സെക്കൻഡറി സ്‌കൂളിൽ പ്ലസ്-ടുവിന് 100 ശതമാനമാണ് വിജയം. പരീക്ഷയെഴുതിയ 60 വിദ്യാർത്ഥികളിൽ 60 പേരും ഉപരിപഠനത്തിന് അർഹരായി. 30 വീതം ആൺകുട്ടികളും പെൺകുട്ടികളുമാണ് പരീക്ഷയെഴുതിയത്.

ഹയർ സെക്കൻഡറി

പരീക്ഷയെഴുതിയത് 32,862 പേർ

മുഴുവൻ എ പ്ലസ് 3907 പേർക്ക്