തൃശൂർ: ജില്ലയിലെ മൺസൂൺകാല രക്ഷാപ്രവർത്തനങ്ങൾക്കായി അഴീക്കോട് ഫിഷറീസ് സ്റ്റേഷനിൽ 24 മണിക്കൂറും പ്രവർത്തിക്കുന്ന കൺട്രോൾ റൂം തുറന്നു. മത്സ്യബന്ധനത്തിനിടെ അപകടം സംഭവിച്ചാൽ ഇതുസംബന്ധിച്ച പൂർണവിവരം, അപകടത്തിൽപ്പെട്ട യാനങ്ങളുടെ വിവരം, തൊഴിലാളികളുടെ വിവരങ്ങൾ യഥാസമയം ഫിഷറീസ് കൺട്രോൾ റൂമിൽ അറിയിക്കണം.

മത്സ്യബന്ധനത്തിന് പോകുന്ന ബോട്ടുകളിലെയും തോണികളിലെയും തൊഴിലാളികളുടെ പൂർണവിവരം യാനം ഉടമസ്ഥർ നിർബന്ധമായും അറിഞ്ഞിരിക്കേണ്ടതും ആവശ്യപ്പെടുമ്പോൾ ഫിഷറീസ് കൺട്രോൾ റൂമിൽ ബോദ്ധ്യപ്പെടുത്തേണ്ടതുമാമെന്ന് ഫിഷറീസ് ഡെപ്യൂട്ടി ഡയറക്ടർ അറിയിച്ചു. അപകടങ്ങൾ ഒഴിവാക്കാൻ മത്സ്യത്തൊഴിലാളികൾ ജാഗ്രത പാലിക്കുകയും കാലാവസ്ഥ മുന്നറിയിപ്പുകൾ അനുസരിക്കുകയും കടൽ സുരക്ഷാ നിർദ്ദേശങ്ങൾ കർശനമായും പാലിക്കുകയും ചെയ്യേണ്ടതാണ്. ഫോൺ നമ്പർ: ഫിഷറീസ് സ്റ്റേഷൻ അഴീക്കോട്: 0480- 2996090.