തൃശൂർ : ഭക്ഷ്യസുരക്ഷാ വകുപ്പിന്റെ നേതൃത്വത്തിൽ കഴിഞ്ഞദിവസം ജില്ലയിൽ നടത്തിയ വ്യാപക പരിശോധനയിൽ ന്യൂനതകൾ കണ്ടെത്തിയ ഏഴ് സ്ഥാപനങ്ങളുടെ പ്രവർത്തനം നിറുത്തിവയ്പ്പിച്ചതായി ഭക്ഷ്യസുരക്ഷാ അസിസ്റ്റന്റ് കമ്മിഷണർ അറിയിച്ചു. വില്ല വനിതാ റെസ്റ്റോറന്റ് ഈസ്റ്റ് ഫോർട്ട്, അറേബ്യൻ ലോഞ്ച് കിഴക്കുംപാട്ടുകര, ഗ്രിൽ എൻ.ചിൽ ഈസ്റ്റ് ഫോർട്ട്, ബിസ്മി കോഫി ഷോപ്പ് കൂട്ടുപാത ദേശമംഗലം, ചിക്ക്ബി ഫ്രൈഡ് ചിക്കൻ വാഴക്കോട് മുള്ളൂർക്കര, അടുക്കള റെസ്റ്റോറന്റ് കുട്ടനെല്ലൂർ, സതേൺ പവലിയൻ റെസ്റ്റോറന്റ് നടത്തറ എന്നീ സ്ഥാപനങ്ങളോട് ന്യൂനതകൾ പരിഹരിക്കും വരെ പ്രവർത്തനം നിറുത്താൻ നിർദ്ദേശിച്ചു. വിവിധ സ്ഥാപനങ്ങളിൽ നിന്നും 25 സാമ്പിൾ ശേഖരിച്ച് പരിശോധനയ്ക്ക് അയച്ചു. നാല് സ്‌ക്വാഡിൽ 22 പരിശോധനകളാണ് നടത്തിയത്.