തിരുവനന്തപുരം: കോട്ടുകാൽ സത്യൻ രചിച്ച 'സുഖമാണീ നോവ് ' എന്ന കവിതാ സമാഹാരം എൻ.കൃഷ്‌ണപിള്ള ഫൗണ്ടേഷൻ ഹാളിൽ കവിയും പ്രഭാഷകനുമായ ഏഴാച്ചേരി രാമചന്ദ്രൻ നിരൂപകൻ ടി.പി.ശാസ്തമംഗലത്തിന് നൽകി പ്രകാശനം ചെയ്തു. പ്രഭാത് ബുക്ക് ഹൗസ് ജനറൽ മാനേജർ എസ്.ഹനീഫാ റാവുത്തറുടെ അദ്ധ്യക്ഷതയിൽ മലയാളം മിഷൻ ഡയറക്ടറും കവിയുമായ വിനോദ് വൈശാഖി ഉദ്ഘാടനം ചെയ്‌തു. കാര്യവട്ടം ശ്രീകണ്ഠൻ നായർ,ഡോ.എസ്.രാജേന്ദ്രൻ പിള്ള,ഷാമില ഷൂജ,ബിജു പുലിപ്പാറ,അനിൽ കരുംകുളം,കോട്ടുകാൽ സത്യൻ,ദിവ്യശ്രീ എന്നിവർ സംസാരിച്ചു.