തിരുവനന്തപുരം: നിർ‌മ്മാണം നടക്കുന്നതിന്റെ ഭാഗമായി ആൽത്തറ - തൈക്കാട് റോഡ് ഇന്ന് രാത്രി 10 മുതൽ 13ന് രാവിലെ 6 വരെ അടച്ചിടുമെന്ന് അധികൃതർ അറിയിച്ചു. വഴുതക്കാട്- വിമെൻസ് കോളേജ് ജംഗ്ഷനിൽ കൂടിയുള്ളതും ബേക്കറി, വഴുതക്കാട്, ഡി.പി.ഐ, ഡാണാമുക്ക്, ഗസ്റ്റ്ഹൗസ് ഭാഗങ്ങളിൽ നിന്നുള്ളതുമായ ഗതാഗതം പൂർണമായും അനുവദിക്കില്ല. വെള്ളയമ്പലം ഭാഗത്ത് നിന്ന് എസ്.എം.സി, വഴുതക്കാട് ഭാഗത്തേയ്‌ക്കും കെൽട്രോൺ,മാനവീയം,ആൽത്തറ ഭാഗത്തേയ്‌ക്കും ഗതാഗതം അനുവദിക്കില്ല. എസ്.എം.സി ഭാഗത്ത് നിന്നും ആൽത്തറ വെള്ളയമ്പലം ഭാഗത്തേക്ക് മാത്രമേ ഗതാഗതം അനുവദിക്കുകയുള്ളു.

വഴുതക്കാട്,എസ്.എം.സി,ആൽത്തറ,ടാഗോർ തിയേറ്റർ തുടങ്ങിയ ഭാഗങ്ങളിലേക്ക് പോകേണ്ട വാഹനങ്ങൾ റിസർവ് ബാങ്ക്,ബേക്കറി, വഴുതക്കാട് വഴിയും മേട്ടുക്കട ഭാഗത്തേക്ക് പോകേണ്ട വാഹനങ്ങൾ ആൽത്തറ - തൈക്കാട് റോഡ് ഒഴിവാക്കി വെള്ളയമ്പലം,പാളയം,പനവിള, മോഡൽ സ്‌കൂൾ വഴിയും പോകണം. തിരുമല-പൂജപ്പുര ഭാഗത്ത് നിന്നും വരുന്ന കെ.എസ്.ആർ.ടി.സി ഉൾപ്പെടെയുള്ള വലിയ വാഹനങ്ങൾ തിരുമല പള്ളിമുക്കിൽ നിന്ന് തിരിഞ്ഞ് പാങ്ങോട്,ഇടപ്പഴിഞ്ഞി,എസ്.എം.സി,ആൽത്തറ,കെൽട്രോൺ, മ്യൂസിയം,പാളയം വഴിയും പൂജപ്പുര, ഇടപ്പഴിഞ്ഞി ഭാഗത്ത് നിന്നും തമ്പാനൂർ, പാളയം ഭാഗത്തേക്ക് പോകേണ്ട ചെറിയ വാഹനങ്ങൾ ജഗതി, ഡി.പി.ഐ, ഡാണാമുക്ക്, ഗസ്റ്റ്ഹൗസ്, സംഗീത കോളേജ്, മോഡൽ സ്‌കൂൾ വഴിയും പോകേണ്ടതാണ്.
ജഗതി ഭാഗത്ത് നിന്നും ശാസ്തമംഗലം, വെള്ളയമ്പലം, പട്ടം ഭാഗങ്ങളിലേക്ക് പോകേണ്ട വാഹനങ്ങൾ ജഗതി, ഇടപ്പഴിഞ്ഞി, കൊച്ചാർ റോഡ്, ശാസ്തമംഗലം, വെള്ളയമ്പലം വഴിയും വെള്ളയമ്പലം ഭാഗത്ത് നിന്നും ജഗതി, പൂജപ്പുര ഭാഗങ്ങളിലേക്ക് പോകേണ്ട വാഹനങ്ങൾ വെള്ളയമ്പലം, ശാസ്തമംഗലം, കൊച്ചാർ റോഡ്, ഇടപ്പഴിഞ്ഞി വഴിയും പോകണമെന്ന് ട്രാഫിക് അധികൃതർ അറിയിച്ചു.