കിളിമാനൂർ: എസ്.എസ്.എൽ.സിക്ക് പിന്നാലെ പ്ലസ് ടു പരീക്ഷയിലും ഫുൾ എ പ്ലസ് നേടി മിന്നും താരങ്ങളായി എ.ബി. പവിത്രയും എ.ബി ഹരിതയും. കെ.എസ്.ടി.എ ആറ്റിങ്ങൽ സബ് ജില്ലാ ട്രഷററും ആറ്റിങ്ങൽ ​ഗവ. ടൗൺ യു.പി.എസ് പ്രഥമാദ്ധ്യാപകനായ കല്ലമ്പലം കമലാ ഭവനിൽ

ആർ. അജികുമാറിന്റെയും വി.കെ. ബിനിയുടേയും മക്കളാണ്. ന​ഗരൂർ നെടുമ്പറമ്പ് ​ഗവ. ഹയർസെക്കൻഡറി സ്കൂളിൽ പ്ലസ് ടു സയൻസിൽ പരീക്ഷ എഴുതിയ ഇരുവർക്കും എല്ലാ വിഷയത്തിനും എ പ്ലസ് ലഭിച്ചു. സ്കൂളിലെ രണ്ടും മൂന്നും സ്ഥാനവും ഈ മിടുക്കികൾക്കാണ്.