തിരുവനന്തപുരം: ജൂൺ 13 മുതൽ 15 വരെ തിരുവനന്തപുരത്ത് ചേരുന്ന ലോകകേരളസഭയുടെ നാലാം സമ്മേളനത്തിന്റെ നടത്തിപ്പിനായുള്ള സംഘാടക സമിതി രൂപീകരിച്ചു. മന്ത്രിമാരായ വി. ശിവൻകുട്ടി,ജി.ആർ അനിൽ നോർക്ക റൂട്ട്സ് റസിഡന്റ് വൈസ് ചെയർമാൻ പി. ശ്രീരാമകൃഷണൻ,പ്രവാസി ക്ഷേമനിധി ബോർഡ് ചെയർമാൻ കെ.വി അബ്ദുൾ ഖാദർ എന്നിവരാണ് രക്ഷാധികാരികൾ. സമിതിയുടെ ചെയർമാനായി ഇ.ടി ടൈയ്സൺ മാസ്റ്റർ എം.എൽ.എയേയും വൈസ് ചെയർമാൻമാരായി സലീം പള്ളിവിള (പ്രവാസി കോൺഗ്രസ്),ശ്രീകൃഷ്ണ പിളള (പ്രവാസി സംഘം),എം.നാസർ പൂവച്ചൽ,കെ.പി മുഹമ്മദ് കുട്ടി എന്നിവരേയും കൺവീനറായും പ്രവാസി വെൽഫയർ ബോർഡ് ഡയറക്ടർ കെ.സി. സജീവ് തൈയ്ക്കാടിനെയും തിരഞ്ഞെടുത്തു. 25 അംഗ എക്സിക്യൂട്ടീവ് കമ്മിറ്റിയേയും യോഗം തിരഞ്ഞെടുത്തു.

തൈയ്ക്കാട് ഗസ്റ്റ് ഹൗസിൽ ചേർന്ന യോഗത്തിൽ പി. നോർക്കറൂട്ട്സ് റസിഡന്റ് വൈസ് ചെയർമാൻ പി. ശ്രീരാമകൃഷണൻ അദ്ധ്യക്ഷത വഹിച്ചു. ഇ.ടി ടൈയ്സൺ മാസ്റ്റർ എം.എൽ.എ മുഖ്യാതിഥിയായ യോഗത്തിൽ നോർക്ക റൂട്ട്സ് ചീഫ് എക്സിക്യൂട്ടീവ് ഓഫീസർ (ഇൻചാർജ്ജ്) അജിത്ത് കോളശ്ശേരി,പ്രവാസി ക്ഷേമനിധി ബോർഡ് സി.ഇ.ഒ സഹീദ്,പ്രവാസി വെൽഫയർ ബോർഡ് ഡയറക്ടർ കെ. സി.സജീവ് തൈയ്ക്കാട് എന്നിവർ സംസാരിച്ചു.