വർക്കല:എം.എസ്.സുബ്ബുലക്ഷ്മി ഫൗണ്ടേഷനും ശ്രീകൃഷ്ണ നാട്യസംഗീത അക്കാഡമിയും സംയുക്തമായി ഏർപ്പെടുത്തിയിട്ടുള്ള പുരസ്കാര സമർപ്പണവും വാർഷികാഘോഷവും വർക്കലയിൽ മന്ത്രി അഡ്വ.ജി.ആർ.അനിൽ ഉദ്ഘാടനം ചെയ്തു.സാംസ്‌കാരിക സമ്മേളനം ജസ്റ്റിസ് വി.ജി.അരുൺ ഉദ്ഘാടനം ചെയ്തു.അഡ്വ.വി.ജോയി എം.എൽ.എ അദ്ധ്യക്ഷത വഹിച്ചു. മുൻ ചീഫ് സെക്രട്ടറി ജിജി തോംസൺ മുഖ്യപ്രഭാഷണവും കണ്ണൂർ യൂണിവേഴ്സിറ്റി മുൻ വൈസ് ചാൻസലർ ഡോ.പി.ചന്ദ്രമോഹൻ സുബ്ബുലക്ഷ്മി അനുസ്മരണ പ്രഭാഷണവും നടത്തി. എം.എസ്.സുബ്ബുലക്ഷ്മി ഫൗണ്ടേഷൻ ഏർപ്പെടുത്തിയിട്ടുളള സംഗീതപുരസ്കാരം ഗായത്രി വെങ്കിട്ടരാഘവനും സംഗീതരത്ന പുരസ്കാരം അനൂപ് ശങ്കറിനും ചലച്ചിത്ര പ്രതിഭാപുരസ്കാരം സംവിധായകൻ ബ്ലെസിക്കും ലൈഫ് ടൈം അച്ചീവ്മെന്റ് അവാർഡ് മല്ലികാസുകുമാരനും ചലച്ചിത്രരത്നാ പുരസ്കാരം അപർണ്ണാബാലമുരളിക്കും ദൃശ്യമാദ്ധ്യമപുരസ്കാരം മാതുസജിക്കും സമ്മാനിച്ചു. കേരള യൂണിവേഴ്സിറ്റി സി.ഡി.സി മുൻ ഡയറക്ടർ ഡോ.എം.ജയപ്രകാശ്, വർക്കല നഗരസഭ ചെയർമാൻ കെ.എം.ലാജി , വർക്കല ബ്ലോക്ക് പഞ്ചായത്ത് പ്രസിഡന്റ് അഡ്വ.സ്‌മിത സുന്ദരേശൻ,അനർട്ട് മുൻ ഡയറക്ടർ ഡോ. എം.ജയരാജു,അഡ്വ.ആർ.അനിൽകുമാർ,ബി.ജോഷിബാസു,പി.എം.ബഷീർ തുടങ്ങിയവർ പങ്കെടുത്തു. ഫൗണ്ടേഷൻ ചെയർമാൻ അഡ്വ.എസ്.കൃഷ്ണകുമാർ സ്വാഗതവും അഡ്വ.എസ്.രമേശൻ നന്ദിയും പറഞ്ഞു.