തിരുവനന്തപുരം:ട്രെയിനിൽ ടി.ടി.ഇ.മാർക്ക് നേരെ തുടർച്ചയായി അക്രമം. നടപടിയെടുക്കാതെ റെയിൽവേ. യാത്രക്കാർക്ക് സുരക്ഷാ ആശങ്ക.റെയിൽവേ ഉദ്യോഗസ്ഥർക്ക് പോലും സുരക്ഷയില്ലെങ്കിൽ യാത്രക്കാരുടെ സുരക്ഷ ആരുനോക്കും ?.

ബംഗളൂരു-കന്യാകുമാരി എക്സ്‌പ്രസിൽ വടക്കാഞ്ചേരിയിൽ വെച്ച് ടിടിഇമാരായ ഉത്തർപ്രദേശ് സ്വദേശി മനോജ് വർമ, തിരുവനന്തപുരം സ്വദേശി ഷമ്മി രാജ, വടകരയിൽ വച്ച് ചെന്നൈ - മംഗലാപുരം എക്സ്‌പ്രസിലെ ടി.ടി.ഇ ആർദ്ര കെ.അനിൽ എന്നിവരാണ് കഴിഞ്ഞദിവസം ആക്രമിക്കപ്പെട്ടത്. ഏപ്രിൽ 2ന് ടി.ടി.ഇ മഞ്ഞുമ്മൽ സ്വദേശി കെ.വിനോദിനെ എറണാകുളം – പട്ന എക്സ്‌പ്രസിൽ നിന്നു തള്ളിയിട്ടുകൊന്നു. ഞായറാഴ്ച രാത്രി മാവേലി എക്സ്‌പ്രസിൽ ടി.ടി.ഇ രാജസ്ഥാൻ സ്വദേശി വിക്രം കുമാർ മീണയ്ക്ക് മർദനമേറ്റു. ഇത്തരം സംഭവങ്ങൾ ആവർത്തിക്കുകയാണ്.

ജനുവരി 10ന് കൊച്ചുവേളി സൂപ്പർഫാസ്റ്റ് എക്സ്‌പ്രസിൽ മദ്യപിച്ചു കയറിയ ആൾ സ്‌കൂൾ പവർലിഫ്റ്റിങ് ചാമ്പ്യൻഷിപ്പിന് പോയ വിദ്യാർത്ഥികളുടെ ഉപകരണങ്ങൾ അടങ്ങിയ ബാഗുകൾ കടലുണ്ടിയിൽ വച്ച് പുറത്തേക്കു വലിച്ചെറിഞ്ഞു. കഴിഞ്ഞ വർഷം ഏപ്രിലിൽ എലത്തൂരിൽ കണ്ണൂർ എക്സിക്യൂട്ടീവ് എക്സ്‌പ്രസിൽ ഷാറൂഖ് സെയ്ഫി എന്നയാൾ യാത്രക്കാരുടെ ദേഹത്ത് പെട്രോൾ ഒഴിച്ച് തീവച്ചതിൽ ഒരു കുഞ്ഞുൾപ്പടെ 3 പേർ മരിക്കുകയും 9 പേർക്ക് പൊള്ളലേൽക്കുകയും ചെയ്തു. ഇതേത്തുടർന്ന് ഓരോ കംപാർട്‌മെന്റിലും ആർപിഎഫ് അടക്കമുള്ള സേനയെ നിയോഗിച്ച് സുരക്ഷ ഉറപ്പാക്കുമെന്ന പ്രഖ്യാപനമുണ്ടായിരുന്നു. നടപടി ഉണ്ടായില്ല. സ്ഥിതി മോശമാവുകയും ചെയ്തു.

യാത്രക്കാർ നേരിടുന്ന മറ്റൊരു ഭീഷണി കല്ലേറാണ്.വന്ദേഭാരത് എക്സ്‌പ്രസിന് നേരെ കല്ലേറ് പതിവായിട്ടുണ്ട്. ഇതിൽ പലർക്കും പരുക്കേറ്റു. തിരൂർ മുതൽ പരപ്പനങ്ങാടി വരെ കല്ലേറ് കൂടുതലാണെന്ന് ആർപിഎഫ് പറയുന്നു.ആവശ്യത്തിനു സേനാംഗങ്ങളില്ലാത്തതിനാൽ ആർപിഎഫിന് ട്രെയിനിൽ സേവനം നൽകാൻ കഴിയുന്നില്ല.

ജനറൽ ടിക്കറ്റെടുത്ത് സ്ളീപ്പർ ക്ളാസിൽ യാത്രചെയ്യുന്നവർ റിസർവ്വ്ഡ് യാത്രക്കാർക്ക് സീറ്റ് നിഷേധിക്കുന്നത് കേരളത്തിന് പുറത്ത് പതിവാണ്. ഇവിടെ മാവേലിയിലും നേത്രാവതിയിലും മംഗളയിലും മലബാറിലുമെല്ലാം ഈ അവസ്ഥയുണ്ട്.

ട്രെ​യി​നി​ൽ​ ​ടി.​ടി.​ഇ​യെ​ ​കൈ​യേ​റ്റം
ചെ​യ്ത​ ​ര​ണ്ടു​പേ​ർ​ ​അ​റ​സ്റ്റിൽ

കൊ​ച്ചി​:​ ​ട്രെ​യി​നി​ൽ​ ​ടി.​ടി.​ഇ​യെ​ ​കൈ​യേ​റ്റം​ചെ​യ്ത​ ​ര​ണ്ട് ​യാ​ത്ര​ക്കാ​രെ​ ​റെ​യി​ൽ​വേ​ ​പൊ​ലീ​സ് ​അ​റ​സ്റ്റു​ചെ​യ്തു.​ ​മ​ല​പ്പു​റം​ ​വെ​ളി​യ​ങ്കോ​ട് ​മൂ​സാ​ന്റ​ക​ത്ത് ​ആ​ഷി​ഫ് ​എം.​എ​ച്ച് ​(28​),​ ​അ​ശ്വി​ൻ​ ​എ​ന്നി​വ​രാ​ണ് ​അ​റ​സ്റ്റി​ലാ​യ​ത്.​ ​ബം​ഗ​ളൂ​രു​ ​-​ ​ക​ന്യാ​കു​മാ​രി​ ​എ​ക്‌​സ്‌​പ്ര​സി​ൽ​ ​ഇ​ന്ന​ലെ​ ​പു​ല​ർ​ച്ചെ​ ​ആ​റോ​ടെ​ ​വ​ട​ക്കാ​ഞ്ചേ​രി​ ​സ്റ്റേ​ഷ​നി​ലാ​യി​രു​ന്നു​ ​സം​ഭ​വം.​ ​ജ​ന​റ​ൽ​ ​ടി​ക്ക​റ്റു​മാ​യി​ ​സ്ളീ​പ്പ​ർ​കോ​ച്ചി​ൽ​ ​വ​ന്ന​ ​ആ​ഷി​ഫി​നോ​ട് ​ഫൈ​ന​ട​യ്ക്കാ​ൻ​ ​ടി.​ടി.​ഇ​ ​മ​നോ​ജ് ​കെ.​ ​വ​ർ​മ്മ​ ​ആ​വ​ശ്യ​പ്പെ​ട്ടു.​ ​തു​ക​ ​അ​ട​യ്ക്കാ​തെ​ ​ത​ർ​ക്കി​ച്ച് ​ടി.​ടി.​ഇ​യെ​ ​ട്രെ​യി​നി​ന​ക​ത്തേ​യ്ക്ക് ​ഇ​രു​വ​രും​ ​ചേ​ർ​ന്ന് ​ത​ള്ളി​യി​ടു​ക​യാ​യി​രു​ന്നു.
എ​റ​ണാ​കു​ളം​ ​ടൗ​ൺ​സ്റ്റേ​ഷ​നി​ൽ​വ​ച്ചാ​ണ് ​അ​റ​സ്റ്റു​ചെ​യ്ത​ത്.​ ​ആ​ഷി​ഫി​ന്റെ​ ​പ​ക്ക​ൽ​നി​ന്ന് ​ക​ഞ്ചാ​വും​ ​ക​ണ്ടെ​ടു​ത്തെ​ന്ന് ​പൊ​ലീ​സ് ​പ​റ​ഞ്ഞു.​ ​ചി​കി​ത്സ​തേ​ടി​യ​ ​ടി.​ടി.​ഇ​ ​മൊ​ഴി​ന​ൽ​കി​യ​ശേ​ഷം​ ​തു​ട​ർ​ന​ട​പ​ടി​ ​സ്വീ​ക​രി​ക്കു​മെ​ന്ന് ​റെ​യി​ൽ​വേ​ ​പൊ​ലീ​സ് ​പ​റ​ഞ്ഞു.