തിരുവനന്തപുരം: ജില്ലയുടെ അസിസ്റ്റന്റ് കളക്ടറായി സാക്ഷി മോഹൻ ചുമതലയേറ്റു. 2023 ഐ.എ.എസ് ബാച്ചിലെ സാക്ഷി മോഹൻ ഉത്തർപ്രദേശ് ലക്നൗ സ്വദേശിയാണ്. ദുർഗാപൂരിലെ നാഷണൽ ഇൻസ്റ്റിറ്റ്യൂട്ട് ഒഫ് ടെക്‌നോളജിയിൽ നിന്ന് ഇൻഫർമേഷൻ ടെക്‌നോളജിയിൽ ബി.ടെക് നേടിയിട്ടുണ്ട്. ഒരുവർഷം ഡേറ്റ അനലിസ്റ്റായും പ്രൊഡക്ട് അനലിസ്റ്റായും ജോലി ചെയ്തിട്ടുണ്ട്.

സാക്ഷി മോഹനെ ജില്ലാ കളക്ടർ ജെറോമിക് ജോർജ് ചേംബറിൽ സ്വീകരിച്ചു. എ.ഡി.എം പ്രേംജി.സി, ഡെപ്യൂട്ടി കളക്ടർമാരായ സുധീഷ്, ചെറുപുഷ്പ ജ്യോതി, ജില്ലാ ഇൻഫർമേഷൻ ഓഫീസർ ബിൻസിലാൽ, ഹുസൂർ ശിരസ്തദാർ രാജശേഖരൻ തുടങ്ങിയവർ സംബന്ധിച്ചു.