പാലോട്: ഡാൻസ് ഡ്രാമ ആർട്ടിസ്റ്റ് ആൻഡ് ടെക്നീഷ്യൻസ് അസോ.നാലാം സംസ്ഥാന സമ്മേളനം ജൂൺ 8,9 തിയതികളിൽ ഓച്ചിറ പരബ്രഹ്മ ഓഡിറ്റോറിയത്തിൽ നടക്കും.8 ന് ഉച്ചയ്ക്ക് 2ന് രജിസ്‌ട്രേഷൻ, വൈകിട്ട് 3ന് നടക്കുന്ന പ്രതിനിധി സമ്മേളനം ഒ.കെ.പിള്ള അടൂരിന്റെ അദ്ധ്യക്ഷതയിൽ പി.സി.വിഷ്ണുനാഥ് എം.എൽ.എ ഉദ്ഘാടനം ചെയ്യും.അഡ്വ.ഫ്രാൻസിസ് വി. ആന്റണി മുഖ്യ പ്രഭാഷണം നടത്തും.തേക്കട ശ്യംലാൽ, ബാലാജി, ജയലക്ഷ്മി എന്നിവർ സംസാരിക്കും. 9ന് രാവിലെ 8.30 ന് വിളംബര ജാഥ,10ന് നടക്കുന്ന സംസ്ഥാന സമ്മേളനം ഒ.കെ.പിള്ള അടൂരിന്റെ അദ്ധ്യക്ഷതയിൽ മന്ത്രി വി.എൻ.വാസവൻ ഉദ്ഘാടനം ചെയ്യും.ഡെപ്യൂട്ടി സ്പീക്കർ ചിറ്റയം ഗോപകുമാർ മുഖ്യ പ്രഭാഷണം നടത്തും.ഗുരുപൂജ പുരസ്‌കാര സമർപ്പണം സി.ആർ.മഹേഷ് എം.എൽ.എയും മുതിർന്ന കലാകാരൻമാരെ വി.പ്രതിഭ എം.എൽ.എയും ആദരിക്കും.പന്തളം ബാലൻ,രാജീവൻ മമ്മളി,ആലപ്പി ഋഷികേശ് എന്നിവർ മുഖ്യാതിഥികളാകും.ബി.ശ്രീദേവി,കവടിയാർ സുരേഷ്,വക്കം ബോബൻ,ഹരി ലാൽ പാലോട് എന്നിവർ സംസാരിക്കും.