തിരുവനന്തപുരം: കേരള ബാങ്കിന് വിവരാവകാശ നിയമം ബാധകമാണെന്ന് വിവരാവകാശ കമ്മിഷണർ ഡോ. കെ. എം. ദിലീപ് ഉത്തരവിട്ടു. കൊച്ചു പള്ളുരുത്തിയിൽ പുതിയേടത്ത് പി.ബി. ഹേമലത നൽകിയ പരാതി ഹർജി പരിഗണിച്ചാണ് കമ്മിഷൻ ഉത്തരവ്. സർക്കാർ ഉത്തരവ് മുഖേന നിലവിൽ വന്ന സ്ഥാപനം വിവരാവകാശ നിയമത്തിന്റെ പരിധിയിൽ വരുമെന്നും പബ്ലിക് ഇൻഫർമേഷൻ ഓഫീസർമാരെയും അപ്പീൽ അധികാരിയെയും നിയമിക്കണമെന്നും ജനറൽ മാനേജർക്ക് കമ്മിഷൻ നിർദ്ദേശം നൽകി.