തിരുവനന്തപുരം: 2024- 25 അദ്ധ്യയന വർഷത്തെ ജില്ലാതല സ്‌കൂൾ പ്രവേശനോത്സവം മീനാങ്കൽ ഗവൺമെന്റ് ട്രൈബൽ ഹൈസ്‌കൂളിൽ നടക്കും. ജൂൺ 3ന് രാവിലെ 9.30ന് മന്ത്രി ജി.ആർ.അനിൽ ഉദ്ഘാടനം ചെയ്യും. ജി.സ്റ്റീഫൻ എം.എൽ.എ അദ്ധ്യക്ഷത വഹിക്കും. ജില്ലാ പഞ്ചായത്ത് പ്രസിഡന്റ് ഡി.സുരേഷ്‌കുമാർ, വൈസ് പ്രസിഡന്റ് എ.ഷൈലജ ബീഗം, വിദ്യാഭ്യാസ ഉപഡയറക്ടർ ദീപാ മാർട്ടിൻ എന്നിവർ പങ്കെടുക്കും. മലയോരമേഖലയുടെ സംസ്‌കാരം വിളിച്ചോതുന്ന നിരവധി പരിപാടികൾ പ്രവേശനോത്സവത്തോട് അനുബന്ധിച്ച് സംഘടിപ്പിച്ചിട്ടുണ്ട്. പഠനോപകരണങ്ങളുടെ വിതരണം, ഭിന്നശേഷി സൗഹൃദ പ്രോജക്ട് പ്രകാശനം, അക്കാഡമിക് മാസ്റ്റർ പ്ലാൻ പ്രകാശനം, ഇൻക്ലൂസീവ് സ്‌പോർട്‌സ് ഉപകരണങ്ങളുടെ വിതരണം എന്നിവയും നടക്കും.