ഹരിപ്പാട്: ഹരിപ്പാട്ട് തെരുവുനായയുടെ കടിയേറ്റ് മരിച്ച കുട്ടിയുടെ വീട് സംസ്ഥാന ബാലാവകാശ സംരക്ഷണ കമ്മീഷൻ അംഗം ജലജ ചന്ദ്രൻ സന്ദർശിച്ചു. വിഷയത്തിൽ കമ്മീഷൻ സ്വമേധയാ കേസെടുത്ത് നടപടി സ്വീകരിക്കുമെന്ന് കമ്മീഷൻ അംഗം അറിയിച്ചു. ഹരിപ്പാട് കോട്ടയ്ക്കകം കാഞ്ഞിരം പറമ്പത്ത് വീട്ടിൽ ദീപു - രാധിക ദമ്പതികളുടെ മകൻ ദേവനാരായണൻ (9) ആണ് കഴിഞ്ഞ ദിവസം മരിച്ചത്. കുട്ടിയുടെ ചികിത്സയുമായി ബന്ധപ്പെട്ട് മാതാപിതാക്കളുടെ പരാതി കമ്മിഷൻ അംഗം വിശദമായി കേട്ടു. ജില്ല ശിശു സംരക്ഷണ ഓഫീസർ ടി.വി. മിനിമോൾ, സോഷ്യൽ വർക്കർ ഉണ്ണികൃഷ്ണൻ എന്നിവർക്കൊപ്പമാണ് കമ്മിഷൻ അംഗം എത്തിയത്. രമേശ്‌ ചെന്നിത്തല എം.എൽ.എ യും വീട് സന്ദർശിച്ചിരുന്നു.