ആലപ്പുഴ: കാറിൽ സ്വിമ്മിംഗ് പൂൾ ഒരുക്കി യാത്രചെയ്‌ത സംഭവത്തിൽ യൂട്യൂബർ ടി.എസ്. സജുവിനും (സഞ്ജു ടെക്കി-29) സുഹൃത്തുക്കൾക്കുമെതിരെ മണ്ണഞ്ചേരി പൊലീസ് കേസെടുത്തു. ആലപ്പുഴ എൻഫോഴ്സ്‌മെന്റ് ആർ.ടി.ഒ ആർ.രമണന്റെ പരാതിയിലാണ് നടപടി. സഞ്ജു ഒന്നാംപ്രതിയും കാറോടിച്ച അവലൂക്കുന്ന് സ്വദേശി സൂര്യനാരായണൻ രണ്ടാം പ്രതിയുമാണ്.

ഇവർക്കൊപ്പം യാത്ര ചെയ്‌ത ആലപ്പുഴ സ്വദേശികളായ സ്റ്റാൻലിൻ ക്രിസ്റ്റഫർ (28), ജി.അഭിലാഷ് (29) എന്നിവരാണ് മറ്റു പ്രതികൾ. അശ്രദ്ധമായി പൊതുനിരത്തിൽ വാഹനമോടിക്കുക,മനുഷ്യജീവന് അപകടമുണ്ടാക്കുക,പൊതുജനസുരക്ഷയ്ക്ക് വിഘാതമുണ്ടാക്കുക തുടങ്ങിയവയാണ് കുറ്റങ്ങൾ. സഞ്ജു ടെക്കിക്കെതിരെ മോട്ടോർ വാഹന വകുപ്പ് ഹൈക്കോടതിക്കും റിപ്പോർട്ട് നൽകി. ഗതാഗത നിയമ ലംഘനങ്ങളെക്കുറിച്ചുള്ള റിപ്പോർട്ട് ഇന്നലെ രാവിലെ ആലപ്പുഴ ഫസ്റ്റ് ക്ലാസ് മജിസ്‌ട്രേറ്റ് കോടതിയിലും സമർപ്പിച്ചു. സഞ്ജുവിന്റെ കാർ നേരത്തെ പൊലീസ് കസ്റ്റഡിയിലെടുത്തിരുന്നു.

സംഭവത്തിൽ സ്വമേധയാ ഇടപെട്ട ഹൈക്കോടതി മോട്ടോർ വാഹന വകുപ്പിനോട് റിപ്പോർട്ട് ആവശ്യപ്പെട്ടിരുന്നു. ഏഴിന് ഹൈക്കോടതി കേസ് പരിഗണിച്ചേക്കും. ശിക്ഷാ നടപടികളുടെ ഭാഗമായി എടപ്പാളിലെ ഇൻസ്റ്റിറ്റ്യൂട്ട് ഒഫ് ഡ്രൈവർ ട്രെയിനിംഗ് ആൻഡ് റിസർച്ചിൽ ഇന്നലെ ആരംഭിച്ച ബോധവത്കരണ ക്ലാസിൽ സഞ്ജുവും സുഹൃത്തുക്കളും പങ്കെടുക്കുന്നുണ്ട്. സഞ്ജു മടങ്ങിയെത്തി വിശദീകരണം തേടിയ ശേഷമായിരിക്കും കാറിന്റെ രജിസ്ട്രേഷൻ റദ്ദാക്കുന്നതിൽ നടപടിയെടുക്കുക.

ക​ടു​ത്ത​ ​ന​ട​പ​ടി​യെ​ന്ന്
മ​ന്ത്രി​ ​ഗ​ണേ​ശ് ​കു​മാർ

തി​രു​വ​ന​ന്ത​പു​രം​:​ ​കാ​റി​ൽ​ ​സ്വി​മ്മിം​ഗ് ​പൂ​ളു​ണ്ടാ​ക്കി​ ​ഓ​ടി​ച്ച​ ​സ​ഞ്ജു​ ​ടെ​ക്കി​ക്കെ​തി​രെ​ ​ക​ടു​ത്ത​ ​ന​ട​പ​ടി​യെ​ന്ന് ​മ​ന്ത്രി​ ​കെ.​ബി.​ഗ​ണേ​ശ്കു​മാ​ർ​ ​അ​റി​യി​ച്ചു.​ ​യൂ​ട്യൂ​ബ​ർ​ക്ക് ​പ​ണ​ക്കൊ​ഴു​പ്പി​ന്റെ​ ​അ​ഹ​ങ്കാ​ര​മാ​ണെ​ന്നും​ ​മോ​ട്ടോ​ർ​ ​വാ​ഹ​ന​ ​വ​കു​പ്പി​ന്റെ​ ​ച​രി​ത്ര​ത്തി​ലെ​ ​ത​ന്നെ​ ​ഏ​റ്റ​വും​ ​ക​ടു​ത്ത​ ​ന​ട​പ​ടി​ ​സ്വീ​ക​രി​ക്കു​മെ​ന്നും​ ​അ​ദ്ദേ​ഹം​ ​വ്യ​ക്ത​മാ​ക്കി.
വീ​ഡി​യോ​യ്ക്ക് ​റീ​ച്ചു​കൂ​ട്ടാ​ൻ​ ​ഇ​നി​യും​ ​നി​യ​മ​ലം​ഘ​ന​ങ്ങ​ളു​മാ​യി​ ​വ​രാ​ത്ത​ ​ത​ര​ത്തി​ൽ​ ​മു​ൻ​ ​വീ​ഡി​യോ​ക​ളി​ലെ​ ​നി​യ​മ​ലം​ഘ​ന​ങ്ങ​ള​ട​ക്കം​ ​പ​രി​ശോ​ധി​ച്ച് ​ഹൈ​ക്കോ​ട​തി​യി​ൽ​ ​റി​പ്പോ​ർ​ട്ട് ​ന​ൽ​കു​മെ​ന്നും​ ​അ​ദ്ദേ​ഹം​ ​അ​റി​യി​ച്ചു.​ ​പ​ണ​മു​ള്ള​വ​ൻ​ ​കാ​റി​ല​ല്ല​ ​സ്വി​മ്മിം​ഗ് ​പൂ​ൾ​ ​പ​ണി​യേ​ണ്ട​ത്,​വീ​ട്ടി​ൽ​ ​പ​ണി​യ​ണം.​ ​ഭ്രാ​ന്ത​ന്മാ​ർ​ ​സ​മ​നി​ല​ ​തെ​റ്റി​ ​കാ​ണി​ക്കു​ന്ന​ ​വേ​ല​ക​ൾ​ക്ക് ​ന​മ്മ​ളാ​യി​ ​റീ​ച്ച് ​ഉ​ണ്ടാ​ക്കി​ക്കൊ​ടു​ക്ക​രു​ത്.​ ​മോ​ട്ടോ​ർ​ ​വാ​ഹ​ന​ ​വ​കു​പ്പി​നെ​തി​രെ​യു​ള്ള​ ​വെ​ല്ലു​വി​ളി​ ​വേ​ണ്ട,​പ​ഴ​യ​ ​കാ​ല​മ​ല്ലെ​ന്നും​ ​മ​ന്ത്രി​ ​പ​റ​ഞ്ഞു.