ആലപ്പുഴ: എസ്.എൻ.ഡി.പി യോഗം കാർത്തികപള്ളി യൂണിയൻ 1168-ാം നമ്പർ പാനൂർ ശാഖയിൽ ആദരവും പഠനോപകരണം വിതരണ യോഗവും കാർത്തികപള്ളി യൂണിയൻ പ്രസിഡന്റ് കെ.അശോകപണിക്കർ ഉദ്ഘാടനം ചെയ്തു. യൂണിയൻ സെക്രട്ടറി അഡ്വ. രാജേഷ്ചന്ദ്രൻ പഠനോപകരണ വിതരണവും കവി തൃക്കുന്നപ്പുഴ പ്രസന്നനെ ആദരിച്ചു. യോഗം ഇൻസ്പെക്ടിംഗ് ഓഫീസർ സി.സുഭാഷ് ,​തൃക്കുന്നപ്പുഴ പഞ്ചായത്ത് മെമ്പർ സിയാർ തൃക്കുന്നപ്പുഴ, കവി തൃക്കുന്നപ്പുഴ പ്രസന്നൻ എന്നിവർ സംസാരിച്ചു . ശാഖ പ്രസിഡന്റ് മണിയപ്പൻ അദ്ധ്യക്ഷത വഹിച്ചു. ശാഖ സെക്രട്ടറി മോഹനൻ സ്വാഗതവും വൈസ് പ്രസിഡന്റ് സാബു നന്ദിയും പറഞ്ഞു.