ചേർത്തല: അങ്കണവാടികളിൽ പ്രവേശനോത്സവങ്ങൾ അടിപൊളിയായി സംഘടിപ്പിച്ച് കഞ്ഞിക്കുഴി ഗ്രാമപഞ്ചായത്ത്. പഞ്ചായത്ത്തല ഉദ്ഘാടനം പതിനാറാം വാർഡിലെ കളത്തി വീട് 39-ാം നമ്പർ അങ്കണവാടിയിൽ വയലിൻ മാന്ത്റികൻ ബിജു മല്ലാരി നിർവഹിച്ചു. ഗ്രാമ പഞ്ചായത്ത് പ്രസിഡന്റ് ഗീതാകാർത്തികേയൻ,വൈസ് പ്രസിഡന്റ് അഡ്വ.എം.സന്തോഷ് കുമാർ,സ്ഥിരം സമിതി അദ്ധ്യക്ഷൻമാരായ ബൈരഞ്ചിത്ത്,എസ്.ജ്യോതിമോൾ,ബ്ലോക്ക് പഞ്ചായത്തംഗം പി.എസ്.ശ്രീലത, ബ്ലോക്ക് പഞ്ചായത്ത് സെക്രട്ടറി സി.വി.സുനിൽ, പഞ്ചായത്ത് സെക്രട്ടറി ​ടി.എഫ്.സെബാസ്​റ്റ്യൻ എന്നിവർ സംസാരിച്ചു. കഞ്ഞിക്കുഴിയിലെ കൃഷി ഓഫീസർ റോസ്മി ജോർജും കർമ്മസേന കൺവീനർ ജി. ഉദയപ്പൻ എന്നിവർ ചേർന്ന് കുഞ്ഞുങ്ങൾക്ക് പച്ചക്കറി തൈകളും വിത്തുകളും സമ്മാനമായി നൽകി. കഞ്ഞിക്കുഴിയിൽ 18 വാർഡുകളിലായി മുപ്പത് അങ്കണവാടികളാണ് പ്രവർത്തിക്കുന്നത്.