ചേർത്തല: നഗരത്തിലെ രണ്ടു വീടുകളിൽ നിന്ന് ജപ്പാൻ കുടിവെള്ള പൈപ്പിൽ സ്ഥാപിച്ചിരുന്ന മീ​റ്ററുകൾ മോഷണം പോയി. ചേർത്തല നഗരസഭ 27ാം വാർഡ് ചെറുവീട്ടുവെളി പ്രകാശൻ,പ്രജിത്ത് എന്നിവരുടെ വീട്ടിലെ മീ​റ്ററാണ് മോഷണം പോയത്. ഇന്നലെ രാവിലെയാണ് മീ​റ്റർ പോയവിവരം വീട്ടുകാർ അറിയുന്നത്. മീ​റ്റർ മോഷണം പോയതിനാൽ വെള്ളം എടുക്കുവാൻ കഴിയാത്ത സ്ഥിതിയാണ്. ചേർത്തല പൊലീസിൽ നൽകിയ പരാതിയെ തുടർന്ന് അന്വേഷണം ആരംഭിച്ചു. കട്ടച്ചിറ സ്വദേശിയെ പൊലീസ് കസ്​റ്റഡിയിൽ എടുത്തിട്ടുണ്ട്.