ആലപ്പുഴ: മുഹമ്മ ചീരപ്പൻചിറ അയ്യപ്പൻ പഠനകളരിയുടെ ആഭിമുഖ്യത്തിൽ ചെമ്പഴന്തി ശ്രീനാരായണ അന്തർദേശീയ പഠന തീർത്ഥാടന കേന്ദ്രത്തിന്റെ സഹകരണത്തോടെ നടത്തിവരുന്ന പ്രതിമാസ ഗുരുദേവ പഠനശിബിരം 18ന് കളരി സങ്കേതത്തിൽ നടക്കും. വൈകിട്ട് 3ന് കണിച്ചുകുളങ്ങര ദേവീ ക്ഷേത്രത്തിലെ കുമാരൻ ശാന്തി ഭദ്രദീപപ്രകാശനം നടത്തും. തുടർന്ന് കളരി പരിരക്ഷകൻ മാധവ ബാലസുബ്രഹ്മണ്യത്തിന്റെ അദ്ധ്യക്ഷതയിൽ ചേരുന്ന സത്സംഗത്തിൽ ഗുരുധർമ്മ പ്രചാരക കെ.പി.രാജേശ്വരി കാവാലം ഗുരുദേവ ദർശന പ്രഭാഷണം നടത്തും. വൈകിട്ട് 5ന് നടക്കുന്ന ഗുരുദേവ ക്വിസ് മത്സരത്തിന് ഗുരുധർമ്മ പ്രചാരകൻ ബേബി പാപ്പാളിൽ നേതൃത്വം നൽകും. 5.30ന് സമൂഹപ്രാർത്ഥനയോടെ സമാപിക്കും.