മുഹമ്മ: കഞ്ഞിക്കുഴി പഞ്ചായത്ത് പത്താം വാർഡിൽ തെരുവുനായ ആക്രമണത്തിൽ രണ്ട് പേർക്ക് പരിക്കേറ്റു. കോലാട്ടുവെളിയിൽ രാധാമണി (63), മോനി (25) എന്നിവർക്കാണ് കടിയേറ്റത്.

തൊഴിലുറപ്പ് തൊഴിലാളിയായ രാധാമണി സമീപ വീട്ടിലെ ജോലി കഴിഞ്ഞ് ഉച്ചയ്ക്ക് മടങ്ങുമ്പോഴാണ് തെരുവുനായ ആക്രമിച്ചത്. ഉടനെ മുഹമ്മ കമ്യൂണിറ്റി ഹെൽത്ത് സെന്ററിൽ ചികിത്സ തേടിയ രാധാമണിയെ പിന്നിട് ജില്ലാ ആശുപത്രിയിൽ പ്രവേശിപ്പിച്ചു. രാവിലെ വീട്ടിൽ നിൽക്കുമ്പോഴാണ് മോനിക്ക് കടിയേറ്റത്. മോനിയെ ആലപ്പുഴ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. മുഹമ്മ മദർ തെരേസാ ഹൈസ്ക്കൂൾ, കെ.ഇ കാർമ്മൽ സ്കൂൾ,​ ഗവ.എൽ.പി.എസ് എന്നിവിടങ്ങളിലേത് ഉൾപ്പടെയുള്ള വിദ്യാർത്ഥികൾ സഞ്ചരിക്കുന്ന റോഡിലാണ് ആക്രമണം ഉണ്ടായത്.