ആലപ്പുഴ: ജില്ലാ സ്‌പോർട്‌സ് അക്കാഡമികളിലേയ്ക്ക് 2024-25 അദ്ധ്യായന വർഷത്തെ പി.ജി വിദ്യാർത്ഥികളുടെ പ്രവേശനത്തിനായി അത്‌ലറ്റിക്‌സ്, ഫുട്‌ബാൾ, വോളിബാൾ, ബാസ്‌ക്കറ്റ്‌ബാൾ, സ്വിമ്മിംഗ്, തായ്‌ക്വേണ്ടോ, കബഡി, ഗുസ്തി, ആർച്ചറി, ബോക്‌സിംഗ്, സൈക്ലിംഗ്, ഫെൻസിംഗ്, ഹാൻഡ്‌ബാൾ, ഹോക്കി, ജൂഡോ കനോയിംഗ് ആന്റ് കയാക്കിംഗ്, ഖോഖോ, നെറ്റ്‌ബോൾ, വെയ്റ്റ്‌ലിഫ്റ്റിംഗ്, റോവിംഗ്, സോഫ്റ്റ്‌ബാൾ എന്നീ ഇനങ്ങളിൽ നാഷണൽ മെഡൽ നേടിയ കായികതാരങ്ങൾക്കായി തിരുവനന്തപുരം സെൻട്രൽ സ്റ്റേഡിയത്തിൽ 25ന് സെലക്ഷൻ ട്രയൽസ് നടത്തുന്നു. വിദ്യാഭ്യാസ യോഗ്യത, കായിക മികവ് തെളിയിക്കുന്ന സർട്ടിഫിക്കറ്റുകളുടെ കോപ്പി എന്നിവ 20ന് മുമ്പ് സെക്രട്ടറി, കേരള സ്റ്റേറ്റ് സ്‌പോർട്‌സ് കൗൺസിൽ, തിരുവനന്തപുരം-1 എന്ന വിലാസത്തിൽ നൽകണം. ട്രയൽസിൽ പങ്കെടുക്കാൻ താല്പര്യമുള്ള കായികതാരങ്ങൾ 25 ന് രാവിലെ 8ന് സ്‌പോർട്സ്‌ കിറ്റ്, ഒർജിനൽ സർട്ടിഫിക്കറ്റുകൾ എന്നിവയുമായി തിരുവനന്തപുരം സെൻട്രൽ സ്റ്റേഡിയത്തിൽ എത്തണം. ഫോൺ: 0477 2253090, 0471 2331546.