ചേർത്തല : പുത്തൻചന്ത ഭാരതവിലാസം എസ്.എൻ.ഡി.പിയോഗം 765 -ാം നമ്പർ ശ്രീനാരായണ ഗുരുദേവക്ഷേത്രത്തിൽ ശക്തിപൂജ സമർപ്പണവും നോട്ട് ബുക്ക് വിതരണവും ഇന്ന് വൈകിട്ട് 5 ന് ക്ഷേത്രാങ്കണത്തിൽ നടക്കും. ശാഖാ പ്രസിഡന്റ് പി.ടി. മുരളി അദ്ധ്യക്ഷത വഹിക്കും. ഡോ.ലത പി.ജി ഭദ്ര ദീപപ്രകാശനം ചെയ്യും. അഡ്വ.കൃഷ്ണമൂർത്തി നോട്ടുബുക്ക് വിതരണ ഉദ്ഘാടനം ചെയ്യും. അരൂർ മേഖലാ ചെയർമാൻ വിദ്യാഭ്യാസ സന്ദേശം നൽകും. എസ്.എൻ.ഡി.പി യോഗം കൗൺസിലർ ശശികുമാർ നോട്ടു ബുക്ക് വിതരണം ചെയ്യും. റജിമോൻ സ്വാഗതവും മുരളീധരൻ നന്ദിയും പറയും.