കൊച്ചി: ശിവസേന സ്ഥാപകദിനത്തിൽ എറണാകുളം സേനാഭവനിൽ നിർദ്ധനരായ 100 വിദ്യാർത്ഥികൾക്ക് പഠനോപകരണങ്ങൾ വിതരണം ചെയ്യും. ഇന്നലെ കൊച്ചിയിൽ ചേർന്ന ശിവസേന ജില്ലാ എക്‌സികുട്ടീവ് കമ്മിറ്റി യോഗത്തിലാണ് തീരുമാനം. ജില്ലയിലെ വിവിധ യൂണിറ്റുകളിലും മണ്ഡലം കേന്ദ്രങ്ങളിലും രാവിലെ പതാക ഉയർത്തും. ജില്ലാ പ്രസിഡന്റ് സജി തുരുത്തിക്കുന്നേൽ ഉദ്ഘാടനം ചെയ്യും. വനിതാസേന ജില്ലാ കോ ഓർഡിനേറ്റർ സുമി സനൽ, ജില്ലാ വൈസ് പ്രസിഡന്റ് കെ ജി. സന്തോഷ്‌കുമാർ, പി.ആർ. ശിവൻ, പി.കെ ശിവറാം, മുരളീധരൻ ആലുവ, സജീവൻ പെരുമ്പിള്ളി, അരുൺ ബാബു, ജിന്റോ കോതമംഗലം തുടങ്ങിയവർ സംസാരിച്ചു.