കരുമാല്ലൂർ: എസ്.എൻ.ഡി.പി യോഗം 166 ശാഖയിലെ സി. കേശവൻ കുടുംബ യൂണിറ്റിന്റെ വാർഷികാഘോഷം പറവൂർ യൂണിയൻ സെക്രട്ടറി ഷൈജു മനയ്ക്കപ്പടി ഉദ്ഘാടനം ചെയ്തു. ശാഖ വൈസ് ചെയർമാൻ സി.ആർ. മോഹനൻ അദ്ധ്യക്ഷനായി. യോഗം ഡയറക്ടർ പി.എസ് ജയരാജ് മുഖ്യപ്രഭാഷണം നടത്തി. ശാഖ കൺവീനർ ടി.ആർ. അരുഷ്, യൂണിറ്റ് കൺവീനർ കെ.സി ബാബു, ശാഖ കമ്മിറ്റി അംഗം ടി.ബി. ശ്രീകുമാർ, കെ.പി ഭരതൻ, കെ.ആർ രാജേഷ്, കെ.ആർ പൊന്നപ്പൻ, ബിനു സുരേഷ്, വൃന്ദ മുരളി എന്നിവർ സംസാരിച്ചു. രാജു ചെറായി ഗുരുദേവാർച്ചന നടത്തി.