കോലഞ്ചേരി: സ്കൂൾ കുട്ടികൾക്ക് കൈത്താങ്ങായി മഴുവന്നൂരിലെ കോൺഗ്രസ് പ്രവർത്തകർ സൗത്ത് മഴുവന്നൂർ എൽ.പി.ജി സ്കൂൾ, ജി.എൽ.പി സ്കൂൾ എന്നിവിടങ്ങളിലെ മുഴുവൻ കുട്ടികൾക്കും പഠനോപകരണങ്ങൾ വിതരണം ചെയ്തു. കോൺഗ്രസ് മഴുവന്നൂർ മണ്ഡലം കമ്മിറ്റി പ്രസിഡന്റ് ജെയിൻ മാത്യു, കോൺഗ്രസ് ബ്ലോക്ക് കമ്മിറ്റി വൈസ് പ്രസിഡന്റ് ടി.ഒ. പീറ്റർ എന്നിവർ ചേർന്ന് ഉദ്ഘാടനം ചെയ്തു. ബ്ലോക്ക് കോൺഗ്രസ് കമ്മിറ്റി വൈസ് പ്രസിഡന്റ് അരുൺ വാസു, ബേസിൽ തങ്കച്ചൻ, ടി.പി. വർഗീസ്, സി.കെ. സാജു, സ്കൂൾ ഹെഡ്മിസ്ട്രസുമാരായ അനില മാത്യു, കെ.എൻ. ബിന്ദു എന്നിവർ സംസാരിച്ചു.