പിറവം: കളമ്പൂർ തൊട്ടൂർ കടവിൽ പുഴയിൽ കരയോട് അടിഞ്ഞ് കിടക്കുന്ന മാലിന്യം ബാർജും ഹിറ്റാച്ചിയും ഉപയോഗിച്ച് നീക്കം ചെയ്ത് നീരൊഴുക്ക് സുഗമമാക്കുന്ന പ്രവർത്തിയുടെ ഉദ്ഘാടനം നഗര സഭ ചെയർപേഴ്‌സൺ അഡ്വ. ജൂലി സാബു നിർവഹിച്ചു. വൈസ് ചെയർമാൻ കെ.പി. സലിം അദ്ധ്യക്ഷനായി. ആരോഗ്യ സ്റ്റാൻഡിംഗ് കമ്മിറ്റി ചെയർമാൻ ഷൈനി ഏലിയാസ്, കൗൺസിലർമാരായ ഗിരീഷ്‌കുമാർ, ഡോ. സഞ്ജിനി പ്രതീഷ്, സി.ജെ. ജോജിമോൻ, വത്സല വർഗീസ്, മോളി വലിയ കട്ടയിൽ എന്നിവർ പങ്കെടുത്തു.