പെരുമ്പാവൂർ : എൽദോസ് കുന്നപ്പിള്ളി എം.എൽ.എയുടെ ആസ്തി വികസന പദ്ധതി ഫണ്ട് ഉപയോഗിച്ച് എം.എൽ.എ യുടെ ഇൻസ്പെയർ വിദ്യാഭ്യാസ പദ്ധതി പ്രകാരം പുല്ലുവഴി ഗവ. എൽപി സ്കൂളിന് അനുവദിച്ച സ്കൂൾ ബസ് കൈമാറി. 24 ലക്ഷം രൂപ വരുന്ന മഹീന്ദ്രയുടെ 22 സീറ്റ് ബസ് ആണ് അനുവദിച്ചത്. വിദ്യാർഥികളുടെ സുരക്ഷിതയാത്ര ഉറപ്പാക്കാൻ അത്യാധുനിക രീതിയിലുള്ള ബസാണ് അനുവദിച്ചതെന്ന് എം.എൽ.എ അറിയിച്ചു. സ്കൂൾ വിദ്യാർത്ഥികളോടൊപ്പം എം.എൽ.എയും ജനപ്രതിനിധികളും കന്നി യാത്രയിൽ പങ്കാളികളായി. തുടർന്ന് സ്കൂൾ അധികൃതർക്ക് താക്കോൽ കൈമാറി. രായമംഗലം ഗ്രാമപഞ്ചായത്ത് പ്രസിഡന്റ് എൻ.പി. അജയകുമാർ അദ്ധ്യക്ഷനായി. കൂവപ്പടി ബ്ലോക്ക് പഞ്ചായത്ത് പ്രസിഡന്റ് എ.ടി. അജിത് കുമാർ മുഖ്യാതിഥിയായി. ബ്ലോക്ക് പഞ്ചായത്ത് വൈസ് പ്രസിഡന്റ് അംബിക മുരളീധരൻ, ജില്ലാ പഞ്ചായത്ത് മെമ്പർ ഷൈമി വർഗീസ്, പഞ്ചായത്ത് വൈസ് പ്രസിഡന്റ് ദീപാ ജോയ്, ബ്ലോക്ക്‌ മെമ്പർ ബീന ഗോപിനാഥ്, വാർഡ് മെമ്പർമാരായ ജോയി പൂണേലി, സ്മിത അനിൽകുമാർ, മാത്യൂസ് ജോസ് തരകൻ, ടിൻസി ബാബു, മിനി നാരായണൻകുട്ടി, സ്കൂൾ ഹെഡ്മിസ്ട്രസ് പി.എം. ഉഷ,​ പി.ടി.എ വൈസ് പ്രസിഡന്റ് ആതിര ഷിബിൻ, കോൺഗ്രസ്‌ മണ്ഡലം പ്രസിഡന്റ് പി.പി. എൽദോസ് എന്നിവർ പങ്കെടുത്തു.