കൊച്ചി: എസ്.എൻ.ഡി.പി യോഗം കണയന്നൂർ യൂണിയന്റെ ആഭിമുഖ്യത്തിൽ നടത്തുന്ന 64-ാം വിവാഹപൂർവ കൗൺസലിംഗ് കോഴ്‌സ് പാലാരിവട്ടം എസ്.എൻ.ഡി.പി യൂണിയൻ ഓഡിറ്റോറിയത്തിൽ യൂണിയൻ കൺവീനർ എം.ഡി. അഭിലാഷ് ഉദ്ഘാടനം ചെയ്തു. യൂണിയൻ അഡ്മിനിസ്‌ട്രേറ്റീവ് കമ്മിറ്റി അംഗം ടി.എം. വിജയകുമാർ അദ്ധ്യക്ഷത വഹിച്ചു. പ്രിമാരിറ്റൽ കോഴ്‌സ് കോഓർഡിനേറ്റർ കെ.കെ. മാധവൻ, അഡ്മിനിസ്‌ട്രേറ്റീവ് കമ്മിറ്റി അംഗം കെ.പി. ശിവദാസ്, വനിതാസംഘം ചെയർപേഴ്‌സൺ ഭാമ പത്മനാഭൻ, പി.വി. ശിവദാസ്, സൈബർസേന ജില്ലാ കൺവീനർ റെജി വേണഗോപാൽ എന്നിവർ സംസാരിച്ചു.
പായിപ്ര ദമനൻ, ബിന്ദു വി. മേനോൻ, അഡ്വ. വിൻസന്റ് ജോസഫ്, അഡ്വ. ദർശന ഷിനോദ്, പി.എസ്. വിനയൻ എന്നിവരാണ് ക്ലാസ് നയിക്കുന്നത്. കണയന്നൂർ യൂണിയൻ ചെയർമാൻ മഹാരാജ ശിവാനന്ദൻ സമാപന സമ്മേളനം ഉദ്ഘാടനവും സർട്ടിഫിക്കറ്റ് വിതരണവും നിർവഹിക്കും.