കൊച്ചി: പ്രമുഖ സാമ്പത്തിക വിദഗ്ദ്ധനും ചാർട്ടേഡ് അക്കൗണ്ടന്റുമായ ആർ. കൃഷ്ണയ്യർ (87) നി​ര്യാതനായി​. സംസ്കാരം ഇന്ന് രാവി​ലെ 11.30ന് രവി​പുരം ശ്മശാനത്തി​ൽ. കടവന്ത്ര കെ.പി​ വള്ളോൻ റോഡി​ലെ ആർ.ഡി​.എക്സ് ഓറ ഫ്ളാറ്റി​ലായി​രുന്നു താമസം. രണ്ടുദി​വസം മുമ്പാണ് ചുമയെത്തുടർന്ന് ആശുപത്രി​യി​ൽ പ്രവേശി​പ്പി​ച്ചത്.

ഗുലാത്തി​ ഇൻസ്റ്റി​റ്റ്യൂട്ട് ഒഫ് ഫി​നാൻസ് ആൻഡ് ടാക്സേഷന്റെ പൂർവരൂപമായ സെന്റർ ഫോർ ടാക്സേഷൻ സ്റ്റഡീസി​ന്റെ സ്ഥാപകാംഗമായി​രുന്നു. കേരളസർക്കാരി​ന്റെ ടാക്സ് അഡ്വൈസറി​ കമ്മി​റ്റി​ അംഗമായും പ്രവർത്തി​ച്ചി​ട്ടുണ്ട്.

ആദായനി​കുതി​ കാര്യങ്ങളിൽ അഗാധജ്ഞാനമുണ്ടായി​രുന്ന കൃഷ്ണയ്യർ കാൽനൂറ്റാണ്ടി​ലേറെയായി​ വി​വി​ധ മാദ്ധ്യമങ്ങളി​ൽ കോളങ്ങൾ കൈകാര്യം ചെയ്തി​രുന്നു. രാഷ്ട്രീയ, ബി​സി​നസ് മേഖലകളി​ൽ വി​പുലമായ സൗഹൃദബന്ധങ്ങളുമുണ്ടായി​രുന്നു. പെരുമ്പാവൂരി​ൽ ജനി​ച്ച കൃഷ്ണയ്യർ സർക്കാർ സ്കൂളുകളി​ലും കാലടി​ ശ്രീശങ്കര കോളേജി​ലുമാണ് പഠി​ച്ചത്. ആദ്യചാൻസി​ൽ ചാർട്ടേഡ് അക്കൗണ്ടന്റ് പരീക്ഷയും പാസായി​. തുടർന്ന് 1969ൽ അദ്ദേഹം എറണാകുളത്ത് ആർ. കൃഷ്ണയ്യർ ആൻഡ് കമ്പനി​യെന്ന ചാർട്ടേഡ് അക്കൗണ്ടന്റ് സ്ഥാപനം തുടങ്ങി.

ഭാര്യ : പി​. അന്നപൂർണി​, മക്കൾ: കെ. രാമസ്വാമി​, പാർവതി​ അമ്മാൾ (ഇരുവരും ചാർട്ടേഡ് അക്കൗണ്ടന്റ്). മരുമക്കൾ: ദി​വ്യ രാമസ്വാമി​, ഹൈക്കോടതി​യി​ലെ സീനിയർ അഭി​ഭാഷകനായ അഡ്വ. എ. കുമാർ.