കൊച്ചി: വിദ്യാഭ്യാസ അവകാശ നിയമത്തെ അട്ടിമറിച്ച് ഏകപക്ഷീയമായി അദ്ധ്യയന ദിനങ്ങൾ വർധിപ്പിച്ച സർക്കാർ തീരുമാനത്തിൽ പ്രതിഷേധിച്ച് കേരള പ്രദേശ് സ്‌കൂൾ ടീച്ചേഴ്‌സ് അസോസിയേഷൻ. കെ.പി.എസ്.ടി.എയുടെ നേതൃത്വത്തിൽ ജില്ലയിലെ ഭൂരിഭാഗം അദ്ധ്യാപകരും കൂട്ട അവധിയെടുത്ത് പ്രതിഷേധിച്ചു. ആർ.ഡി.ഡി ഓഫീസിൽ നിന്ന് ജില്ലാ വിദ്യാഭ്യാസ ഓഫീസിലേക്ക് മാർച്ചും ധർണയും നടത്തി. ജില്ലാ പ്രസിഡന്റ് രഞ്ജിത്ത് മാത്യുവിന്റെ അദ്ധ്യക്ഷതയിൽ സംസ്ഥാന വൈസ് പ്രസിഡന്റ് ടി.യു. സാദത്ത് ഉദ്ഘാടനം ചെയ്തു. ജില്ലാ സെക്രട്ടറി അജിമോൻ പൗലോസ്, ട്രഷറർ ഷൈനി ബെന്നി, സംസ്ഥാന നിർവ്വാഹസമതിയംഗം കെ.എ. ഉണ്ണി, സംസ്ഥാന കമ്മിറ്റിയംഗങ്ങളായ ബിജുവർഗീസ്, സുനിത പി.എ, ഭാരവാഹികളായ മിനിമോൾ കെ, റെജി എം.എസ്, തോമസ് പീറ്റർ, ബിജു കുര്യൻ, മുരളി ടി.എ, ജോബിൻ പോൾ വർഗീസ്, ബിനു കുര്യാക്കോസ്, സിബിൾ പി. ജോസഫ് എന്നിവർ സംസാരിച്ചു.