കൂത്താട്ടുകുളം: ബൈക്ക് മോഷണക്കേസിൽ പിറവം പാഴൂർ പോഴിമല കോളനിയിൽ ജിതീഷിനെ (ജിത്തു 24) കൂത്താട്ടുകുളം പൊലീസ് അറസ്റ്റുചെയ്തു. കൂത്താട്ടുകുളം പഴയമാർക്കറ്റിന് സമീപം പാർക്കുചെയ്ത ബൈക്കാണ് മോഷ്ടിച്ചത്. 7 ന് വൈകിട്ട് എട്ടോടെയാണ് സംഭവം. പിറവം പാഴൂർ ശിവക്ഷേത്രത്തിലെ കൗണ്ടറിൽ സൂക്ഷിച്ചിരുന്ന പണവുംഅഞ്ചൽപ്പെട്ടി ഭാഗത്തുള്ള ഒരാളുടെ മൊബൈൽഫോണും പ്രതി മോഷ്ടിച്ചിട്ടുണ്ടെന്ന് പൊലീസ് പറഞ്ഞു. ഫോൺ കണ്ടെടുത്തു. പത്തോളം കേസുകളിലെ പ്രതിയാണ്.

എസ്.ഐ പി. ശിവപ്രസാദ്, എ.എസ്.ഐ കെ.വി. മനോജ്, സീനിയർ സി.പി.ഒമാരായ കെ.സി. ഷിബിൻ, പി.കെ. സന്തോഷ് തുടങ്ങിയവരാണ് അന്വേഷണ സംഘത്തിലുള്ളത്.