മൂവാറ്റുപുഴ: സി.പി.എം മൂവാറ്റുപുഴ ഏരിയ സെക്രട്ടറി, ജില്ലാ കമ്മിറ്റി അംഗം, എം.പി, എം.എൽ.എ, മൂവാറ്റുപുഴ നഗരസഭ ചെയർമാൻ എന്നീ നിലകളിൽ പ്രവർത്തിച്ച പി.പി. എസ്തോസിന്റെ 35-ാം അനുസ്മരണ ദിനാചരണ സമ്മേളനം കേരള ബാങ്ക് പ്രസിഡന്റ് ഗോപി കോട്ടമുറിക്കൽ ഉദ്ഘാടനം ചെയ്തു. എം.ആർ. പ്രഭാകരൻ അദ്ധ്യക്ഷനായി. സി.പി.എം ജില്ലാ സെക്രട്ടറിയേറ്റ് പി.ആർ. മുരളീധരൻ, ജില്ലാ കമ്മറ്റി അംഗം പി.എം. ഇസ്മയിൽ, ഏരിയ സെക്രട്ടറി കെ.പി. രാമചന്ദ്രൻ, ഏരിയ കമ്മിറ്റി അംഗം സജി ജോർജ് എന്നിവർ സംസാരിച്ചു. രാവിലെ കൺസ്യൂമർഫെഡ് വൈസ് ചെയർമാൻ അഡ്വ. പി.എം. ഇസ്മയിൽ പതാക ഉയർത്തി. തുടർന്ന് എസ്തോസ് ഭവന്റെ മുന്നിൽ നിന്ന് ആരംഭിച്ച അനുസ്മരണ റാലി സ്മൃതി മണ്ഡപത്തിലെത്തി പുഷ്പാർച്ചന നടത്തി.