അങ്കമാലി: രണ്ടായിരത്തോളം പായ്ക്കറ്റ് നിരോധിത പുകയില ഉത്പന്നങ്ങളുമായി ഒരാൾ പിടിയിൽ. അങ്കമാലി ചർച്ച് നഗറിൽ മുണ്ടാടൻ കുര്യനെയാണ് (68) അങ്കമാലി പഴയ മാർക്കറ്റിന് സമീപത്തുനിന്ന് പൊലീസ് പിടികൂടിയത്. ചാക്കിൽ പൊതിഞ്ഞ് സൂക്ഷിച്ച നിലയിലായിരുന്നു ഹാൻസ്. വൻവിലയ്ക്ക് യുവാക്കൾക്കിടയിലാണ് വില്പന. അന്യസംസ്ഥാനങ്ങളിൽനിന്ന് പച്ചക്കറി കയറ്റിവരുന്ന വാഹനങ്ങളിലാണ് ഹാൻസ് എത്തിച്ചിരുന്നത്.

സബ് ഇൻസ്പെക്ടർ എൻ.എസ്. റോയി, എ.എസ്.ഐ സജീഷ്, സീനിയർ സി.പി.ഒമാരായ പി.ജെ. ജോമോൻ, അജിതാ തിലകൻ, സി.എസ്. അനിൽ തുടങ്ങിയവരാണ് അന്വേഷണ സംഘത്തിലുള്ളത്.