ചെല്ലാനം: പഞ്ചായത്തിലെ 11 കിലോമീറ്റർ നീളം വരുന്ന വിജയം കനാലിന്റെ സമഗ്ര സംരക്ഷണവും നീരൊഴുക്ക്, മത്സ്യ സമ്പത്ത്, കൃഷി, ടൂറിസം എന്നീ വികസനങ്ങളും ലക്ഷ്യമാക്കി ജനകീയ ഇടപെടലുകൾ ശക്തിപ്പെടുത്തുന്നതിന് വേണ്ടി ചെല്ലാനം കാർഷി​ക ടൂറിസം വികസന സൊസൈറ്റിയുടെ ആഭിമുഖ്യത്തിൽ മൂന്ന് മേഖലകളിലായി വിജയം കനാൽ സംരക്ഷണ ജാഗ്രത സമിതികൾക്ക് രൂപം നൽകി.

തെക്കൻ പൊഴി മുതൽ പുളിക്കൽ തോട് വരെയുള്ള തെക്കൻ മേഖലയ്ക്കു വേണ്ടി കെ.ജി. ജെർസൺ കൺവീനർ ഡെൻസൺ ഡേവിസ്, എ.ജെ. സോജൻ - ജോയിന്റ് കൺവീനർമാർ, ആൻട്രു ടോമി - ട്രഷറർ എന്നിവരെയും പുളിക്കൽ തോട് മുതൽ ഇരട്ട തോട് വരെയുള്ള മദ്ധ്യമേഖലയ്ക്കു വേണ്ടി കെ.ഡി.ജോൺസൺ - കൺവീനർ, കെ.വി.ഹരിഹരൻ, വി.ജെ. ബാബു - ജോയിന്റ് കൺവീനർമാർ, ആന്റണി ക്ലൈവ് - ട്രഷറർ എന്നിവരെയും ഇരട്ടതോട് മുതൽ കല്ലഞ്ചേരി കായൽ വരെയുള്ള വടക്കൻ മേഖലയ്ക്ക് വേണ്ടി എ.എക്സ്.ആന്റണി - കൺവീനർ, കെ.എസ്.സജു, ജോയി കാക്കത്തറ - ജോയിന്റ് കൺവീനർമാർ, പി.എം.ബെന്നോ - ട്രഷറർ എന്നിവരെയും തിരഞ്ഞെടുത്തു. കേരള ലാൻഡ് ഡവലപ്പ്മെന്റ് കോർപ്പറേഷന് തോട് സംരക്ഷണത്തിന് നൽകുന്ന നിവേദനത്തിന്റെ ഒപ്പുശേഖരണം നടന്നു വരുന്നതായി സൊസൈറ്റി പ്രസിഡന്റ് അഡ്വ.കെ.എക്സ്. ജൂലപ്പൻ, സെക്രട്ടറി എം.എൻ.രവികുമാർ എന്നിവർ അറിയിച്ചു.