വൈപ്പിൻ: എസ്.എൻ.ഡി.പി യോഗം അയ്യമ്പിള്ളി ശാഖ വക പഴമ്പിള്ളി ഭദ്രകാളി ക്ഷേത്രത്തിൽ നിർമ്മിച്ച മാളിയേക്കൽ കുമാരൻ സ്മാരക അന്നദാന മണ്ഡപം നാളെ രാവിലെ 10ന് ആലുവ അദ്വൈതാശ്രമം സെക്രട്ടറി സ്വാമി ധർമ്മചൈതന്യ ഉദ്ഘാടനം ചെയ്യും. ശാഖ പ്രസിഡന്റ് കെ.വി. സത്യപാലൻ അദ്ധ്യക്ഷനാകും.
മഹാകവി കുമാരനാശാൻ അനുസ്മരണം യൂണിയൻ പ്രസിഡന്റ് ടി.ജി. വിജയൻ, വിദ്യാഭ്യാസ അവാർഡ് വിതരണം യൂണിയൻ സെക്രട്ടറി ടി.ബി.ജോഷി, ആദരിക്കൽ വനിതാസംഘം കേന്ദ്ര സമിതി പ്രസിഡന്റ് കെ.പി. കൃഷ്ണകുമാരി എന്നിവർ നിർവഹിക്കും. എംപ്ലോയീസ് ഫോറം കേന്ദ്ര സമിതി സെക്രട്ടറി കെ.പി.ഗോപാലകൃഷ്ണൻ, വൈദികയോഗം യൂണിയൻ സെക്രട്ടറി സനീഷ് ശാന്തി, ശാഖാ സെക്രട്ടറി കെ.ആർ.രാജേന്ദ്രൻ, കെ.സി. വാസുദേവൻ എന്നിവർ സംസാരിക്കും. തുടർന്ന് അന്നദാനം.