മൂവാറ്റുപുഴ: വീട്ടമ്മയെ അപമാനി​ച്ചയാൾക്കെതി​രെ നി​സാരവകുപ്പ് മാത്രം ചുമത്തി​ കേസെടുത്ത പൊലീസ് നടപടി​യി​ൽ പ്രതി​ഷേധം രൂക്ഷം. പൊലീസ് കേസെടുത്ത് വി​ട്ടയച്ച പ്രതി​യുടെ ഭീഷണി​യുടെ നി​ഴലി​ലാണ് താനും കുടുംബവുമെന്ന് പൊലീസിൽ നിന്നും നീതി ലഭിച്ചില്ലെന്ന് ആരോപിച്ച് നടത്തി​യ വാർത്താ സമ്മേളനത്തി​ൽ വീട്ടമ്മ പറഞ്ഞു.

തന്നെ അപമാനിക്കുകയും നിരന്തരം ശല്യം ചെയ്യുകയും ഭർത്താവിനെ അക്രമിക്കാൻ ശ്രമിക്കുകയും ചെയ്തത് കാട്ടി​യാണ് പരാതി​ നൽകി​യത്. ജോലിക്ക് പോകുമ്പോൾ ബൈക്ക് കുറുകെ വച്ച് തന്നോടും മകളോടും അശ്ളീല വർത്തമാനം പറയുകയും അസഭ്യം പറയുകയും ഭീഷണിപെടുത്തുകയും ചെയ്യുന്നത് പതിവാണെന്നതും പരാതി​യിൽ ഉൾപ്പടുത്തി​യി​രുന്നു. എന്നി​ട്ടും നിസാര വകുപ്പ് മാത്രം ഇട്ട് കേസെടുത്ത ശേഷം പ്രതി നെല്ലിക്കുഴി കെ.എസ്.ഇ.ബി. ഓഫീസിലെ ജീവനക്കാരൻ പായിപ്ര മൈക്രോ ജംഗ്ഷനില്‍ ഇടശേരിക്കുടിയിൽ നസീറിനെ

വിട്ടയക്കുകയായിരുന്നുവെന്നും പായിപ്രയിൽ വാടകയ്ക്ക് താമസിക്കുന്ന വീട്ടമ്മ പറഞ്ഞു.

ഭർത്താവും ഭിന്നശേഷിക്കാരിയായ മകളുമൊത്താണ് ഇവർ വാർത്താ സമ്മേളനം നടത്തി​യത്.

ഇതിനു ശേഷവും ഇയാൾ ഭീഷണി തുടരുകയാണ്. സ്കൂൾ ഇല്ലാത്ത ദിവസം മകളെ ഒറ്റക്ക് വീട്ടിൽ നിറുത്തി ജോലിക്ക് പോകാൻ ഭയമാണ്. ഏതു സമയവും ആക്രമണം പ്രതീക്ഷിച്ചാണ് കഴി​യുന്നത്. ഈ സാഹചര്യത്തിൽ ആത്മഹത്യ അല്ലാതെ വഴി ഇല്ലെന്നും അവർ പറഞ്ഞു.