മരട്: ശ്രീസുബ്രഹ്മണ്യസ്വാമി ക്ഷേത്ര പരിസരത്ത് എം.എൽ.എ ആസ്തി വികസന ഫണ്ടിൽനിന്ന് അനുവദിച്ച മിനി ഹൈമാസ്റ്റ് ലൈറ്റിന്റെ ഉദ്ഘാടനം കെ. ബാബു എം.എൽ.എ നിർവഹിച്ചു. നഗരസഭ ചെയർമാൻ ആന്റണി ആശാൻപറമ്പിൽ അദ്ധ്യക്ഷനായി. വൈസ് ചെയർപേഴ്സൺ അഡ്വ. രശ്മി സനിൽ, സ്റ്റാൻഡിംഗ് കമ്മിറ്റി ചെയർമാൻ റിയാസ് കെ. മുഹമ്മദ്, കൗൺസിലർമാരായ സി.ടി. സുരേഷ്, സി.ആർ. ഷാനവാസ്, അജിത നന്ദകുമാർ, ചന്ദ്രകലാധരൻ, ജെയ്നി പീറ്റർ, പത്മപ്രിയ വിനോദ്, ദിഷ പ്രതാപൻ തുടങ്ങിയവർ സംസാരിച്ചു.