മൂവാറ്റുപുഴ: വായനാപക്ഷാചരണത്തോടനുബന്ധിച്ച് വി.ആർ.എ പബ്ലിക് ലൈബ്രറി ആധുനിക മലയാള നാടക കുലപതി ജി.ശങ്കരപ്പിള്ള അനുസ്മരണം സംഘടിപ്പിച്ചു. താലൂക്ക് ലൈബ്രറി കൗൺസിൽ അംഗം കെ.കെ. കുട്ടപ്പൻ ഉത്ഘാടനം ചെയ്തു. എം.എം.രാജപ്പൻപിള്ള അദ്ധ്യക്ഷനായി. റിട്ട. സബ് ട്രഷറി ഓഫീസർ ആർ. രവീന്ദ്രൻ,​ ജി. ശങ്കരപ്പിള്ള അനുസ്മരണ പ്രഭാഷണം നടത്തി. തോപ്പിൽ ഭാസിയുടെ നിങ്ങളെന്നെകമ്യൂണിസ്റ്റാക്കി എന്ന പുസ്തകം ലൈബ്രറി പ്രസിഡന്റ് കെ.ആർ. വിജയകുമാർ പരിചയപ്പെടുത്തി. തുടർന്ന് ജിനി ബായ് ഉള്ളൂരിന്റെ പ്രേമസംഗീതം എന്ന കവിത ആലപിച്ചു.