മരട്: നഗരസഭയിലെ എസ്.സി വിഭാഗത്തിൽപ്പെട്ട വിദ്യാർത്ഥികൾക്കുള്ള പഠനോപകരണ വിതരണം നഗരസഭ ചെയർമാൻ ആന്റണി ആശാൻപറമ്പിൽ ഉദ്ഘാടനം ചെയ്തു. വൈസ് ചെയർപേഴ്സൺ അഡ്വ. രശ്മി സനിൽ, സ്ഥിരംസമിതി അദ്ധ്യക്ഷരായ റിയാസ് കെ. മുഹമ്മദ്, റിനി തോമസ്, ശോഭ ചന്ദ്രൻ, കൗൺസിലർമാരായ മിനി ഷാജി, സിബി സേവ്യർ, പി.ഡി. രാജേഷ്, പത്മപ്രിയ വിനോദ്, മോളി ഡെന്നി, ജെയ്നി പീറ്റർ, നഗരസഭാ സെക്രട്ടറി ഇ. നാസിം, എസ്.സി ഓഫീസർ മിനി വേണുഗോപാൽ, എസ്.സി പ്രമോട്ടർമാരായ എം.എൽ. സുചിത്ര, അൽക്ക കൃഷ്ണൻ, ടി.ആർ.അഖില, വി.ബി. സബിത എന്നിവർ സംസാരിച്ചു.