കൂത്താട്ടുകുളം: തിരുമാറാടി ഗ്രാമപഞ്ചായത്തിന്റെയും കൃഷിഭവന്റെയും നേതൃത്വത്തിൽ ഞാറ്റുവേല ചന്തയും കൃഷിപാഠശാലയും സംഘടിപ്പിച്ചു. ഗ്രാമപഞ്ചായത്ത് പ്രസിഡന്റ് അഡ്വ. സന്ധ്യമോൾ പ്രകാശ് ഉദ്ഘാടനം ചെയ്തു. വൈസ് പ്രസിഡന്റ് എം.എം. ജോർജ് അദ്ധ്യക്ഷനായി. സ്ഥിരം സമിതി അദ്ധ്യക്ഷ അനിത ബേബി, പഞ്ചായത്ത് അംഗങ്ങളായ സി.വി. ജോയ്, ബീന ഏലിയാസ്, സുനി ജോൺസൺ, കെ. കെ.രാജ്കുമാർ, കൃഷി ഓഫീസർ ടി.കെ. ജിജി, സെക്രട്ടറി പി.പി. റെജിമോൻ, റോബിൻ പൗലോസ്, സി.വി. ബിനോയ്, ജോസ് മാത്യു എന്നിവർ പങ്കെടുത്തു.
ഞാറ്റുവേല ചന്തയുടെ ഭാഗമായി തിരുമാറാടി അഗ്രോ ഉത്പ്പന്നങ്ങൾ, പൊന്മണി കൃഷിക്കൂട്ടത്തിന്റെ ജാതിക്ക മൂല്യവർധിത ഉത്പ്പന്നങ്ങൾ, കോവൂർ അഗ്രി ഫാമിലെ വിവിധയിനം ഫലവൃക്ഷ തൈകൾ എന്നിവയുടെ സ്റ്റാളുകൾ ഒരുക്കിയിരുന്നു.
സംയോജിത കീട നിയന്ത്രണ കേന്ദ്രത്തിന്റെ നേതൃത്വത്തിൽ നെൽ കൃഷിയെ സംബന്ധിച്ച് കൃഷിപാഠശാലയും നടന്നു. എം.ജെ. രാജലക്ഷ്മി, എസ്.എൽ. പ്രകാശിനി എന്നിവർ ക്ലാസെടുത്തു.